聽見「愛國愛民」，有人情願家中點燈。六四燭光集會踏入24年，支聯會呼應昔日口號，企圖重奪「愛國」話語權，結果「奪權」不成，惹巿民反感，連忠實粉絲都拒絕「撐場」。今次搞出「大頭佛」，支聯會主席李卓人承認常委與民情有距離，澄清該會從沒有意圖將「愛國」加諸巿民身上，燭光集會只會一如既往高呼五大綱領，「愛國愛民」不會掛在口邊。
記者：張嘉雯
■李卓人稱支聯會沒意圖將「愛國」加諸市民身上。黃永俊攝
「你都知啦，我哋諗口號諗咗24年，都諗到殘殘哋，諗住不如呼應番嗰時有件T恤上嘅口號咁解，嗰時支聯會都未有。」
認同與民情有距離
李卓人解釋，當初提出「愛國愛民，香港精神，平反六四，永不放棄」作口號，出發點是與喬曉陽的「特首要愛國」論抗衡，「想搶番個話語權，重新演繹，清洗愛國等於愛黨嘅睇法，我哋仲以為天經地義，巿民嘅反應係始料不及，原來我哋同民情係有距離」。
對於是否選錯口號，李卓人沒正面回應，「我係覺得可惜，因為一個口號造成分化，但個正面意義係令大家重新諗番香港嘅定位」。他說支聯會全名是「全港巿民支援中國愛國民主運動聯合會」，本身包含「愛國」二字，意思是支援當時內地的愛國行動，常委從來沒想過把愛國精神加諸任何人身上，「唔會強迫任何人愛國」。
李卓人直言，以後會多強調普世價值，希望更多人加入抗爭行列。六四當晚會否高呼「愛國愛民，香港精神」的口號？李卓人說：「從來都唔會嗌㗎喎，通常都係嗌五大綱領，不過個論述（愛國）就唔會退縮。」
對「愛國」一詞最反感者，首選以城邦論學者陳雲為首的本土派，這一派認為惟有與中國大陸切割，才能保障港人利益，李卓人則認為雙方只是策略不同，他個人完全不相信在中共一黨專政下，香港能獨善其身，「中共嘅本質就係要控制，佢一日唔肯改，香港都唔可以先有民主」。
抗衡一國大於兩制
他深信，令「中共後欄失火」才是維護本土利益的根本方法，只有聲援內地的民主運動，才能推動中共改變，抗衡一國大於兩制的想法。他並反駁主張中港之間「河水不犯井水」的論述，是江澤民思維，「佢哋無端端變咗江派」。
李卓人強調，本土價值包含香港的革命傳統和世界關懷，「孫中山喺呢度推翻滿清，毛澤東時代係文人喺香港發聲批判，本來香港就係有呢個革命傳統，加上香港人相信普世價值，邊度有鎮壓都應該出聲，對住就係隔籬最大嘅鎮壓者，更加唔會唔出聲」。
他明白新一代認為集會表達手法「老套」，「係，係有時老套，我哋都有難處，因為太多人要顧及，老土就最安全，希望大家體諒，有時太多元表達，啲人又希望要維持悼念嘅氣氛」。他不認同燭光集會無法改變現實：「數字本身就係最大嘅力量，可以集體表達對中共政權嘅不滿，𠵱家有乜嘢運動，可以集結到咁多反抗中共嘅力量？」
■支聯會周日舉行的愛國民主大遊行，以「愛國愛民」作口號，惹來市民反感。
今年如何悼六四
數字集結力量抗中共
李卓人 支聯會主席
數字本身就係最大嘅力量，可以集體表達對中共政權嘅不滿，𠵱家有乜嘢運動，可以集結到咁多反抗中共嘅力量？
表達維護真相的權利
謝志峰 資深傳媒人
燭光集會嘅重要性，係維護真相嘅表達權利，我哋覺得當時政府做錯咗，一日未平反，都要將自己覺得啱嘅嘢講出嚟。
没有评论:
发表评论