蘋果日報- 試味搜記：無腥沙甸魚 期間限定
試味搜記：無腥沙甸魚 期間限定
試味搜記：無腥沙甸魚 期間限定
做飲食記者，經常要不停搵料，自然有好多飲飲食食嘅機會，今次得公關邀請去中環四季酒店嘅稻菊試食時令菜式。係人都知稻菊的天婦羅出晒名好味，今次試嘅粟米天婦羅，係用最時令嘅日本粟米，入口爆汁兼甜到漏，軟滑又無渣，最美中不足係呢嚿粟米天婦羅兩啖就食晒，真係好想再Encore！除咗天婦羅，佢哋仲大力推介沙甸魚壽司，咪以為只係普通沙甸魚，呢款新鮮沙甸魚全年得兩個月時間供應，夠晒珍貴，師傅刻意喺沙甸魚上放咗薑茸，可去除腥味，又可以提升魚味，口感當然同罐頭沙甸魚無得比，不過呢件壽司盛惠$70，計番條數，可以肯定咁講：「一分錢一分貨！」
没有评论:
发表评论