2013年9月18日星期三

中環在線：《時代》牛牛封面預告升市？ - 李華華

牛牛教你睇美股　唔使靠估

孖屐成日話「乜乜效應」可以影響股市升跌，美國《時代》雜誌（TIME）封面原來都有啟示作用。有研究機構發現，每逢時代雜誌用牛做封面，之後一年美股向上嘅機會超過一半，最新一期《時代》正正用咗華爾街隻銅牛做封面，碰啱主張緩步退市嘅耶倫變番聯儲局主席大熱，唔通美股真係有運行？

有股市研究機構搵番過去《時代》雜誌嘅封面，發現除咗今期，《時代》喺1948年至1986年期間，有9期用牛做封面，雜誌出街之後一年，道指有6年上揚，升幅介乎12%至34%。其餘3年道指雖然下跌，但兩次跌唔夠2%，最差一次挫16%。

呢9期封面，有3期有牛又有熊，有一期就係紐交所前主席George Keith Funston同隻牛一齊，其餘5期只得一隻牛。不過1986年後，時代好耐冇用牛做封面嘞。

內文話復蘇係騙局

今期呢隻牛非常有型，架上黑超，頭戴派對紙帽，背景色彩繽紛，睇落似係唱好股市，但內容實質係話，美國過去5年所謂嘅復蘇只係騙局，將面臨下一次冧市。究竟牛封面效應靈驗還是客觀分析有用，拭目以待！

有料放？想收料？入嚟【蘋果互動】啦！

【蘋果互動】是蘋果日報與讀者緊密互動、放料及收料的聚腳地。