CLOSE-UP
Party必殺技
踏入十二月，將要出席連串聖誕、除夕 party，想成為派對之星，未必一定靠口才同衣裝。食住街頭魔術潮流，只要練定一兩招手機魔法，肯定可以成為全場焦點。
就算完全無表演天分，亦可以靠特別 apps，搞熱派對氣氛。Alex 21歲
15歲開始玩魔術， 3年前轉做全職魔術師，曾被邀於電視表演，打算靠魔術做終身事業。
近期街頭魔術大熱，近距離施展魔法都好難搵到破綻，道具亦由以前舞台用的魔術箱、白鴿，變成人人都有的手機、 tablet。「手機人人有，好適合用來表演街頭魔術，其實外國已經興了幾年，最常見就係將屏幕上嘅物件變成實物，只要準備啲相就得，道具都帶少咗。」 Alex話用手機玩魔術雖然方便，不過最驚突然死機，好彩表演以來都未試過。魔術篇
廣告時間•睇魔術，睇片當然過癮過睇相，而且如果要學番一兩招，就更加要裝《壹週 Plus》手機 app夾埋一齊睇， App內影片中， Alex仲有絕密魔術大放送，點可以錯過。
第一招 手機取物
平時成日見魔術師由手機屏幕變出物品，其實不難，關鍵是取出物品的時機， Alex今次就示範如何由屏幕變出朱古力，學識之後去 party，肯定矚目。
預備材料●智能手機一部、朱古力相片、小巧朱古力一粒。事前準備
先將不同朱古力相放入手機，用作表演時混淆觀眾的視線，相片數量不能太少，約六十至八十張就最好。
用手機拍攝最後會變出來的朱古力的相片，為減少穿煲風險，應在全黑背景下拍攝，緊接再影多張全黑相片，作為變走朱古力後的畫面。
表演時先用右手拎手機，向觀眾展示儲存了各款朱古力相的畫面，但切忌讓觀眾看到將會變出來的朱古力相，並同觀眾講可變出朱古力，然後將手機反轉（屏幕向下），暗中用右手拇指將相簿畫面滑到最底，並點選將會用作表演的朱古力相。
作狀叫觀眾隨意篤芒揀朱古力，但屏幕不要被觀眾看見，同時用左手取出道具朱古力並藏於手指位置。
待觀眾揀完相，迅速將手機反轉並移到左手前，確定手機已擋在觀眾與朱古力之間，就可以自然地慢慢攤開左手手掌，將機背壓在朱古力之上。
用左手拇指放在朱古力相上，然後向左拉，作勢將朱古力相拉走，當拉至屏幕邊緣，就可將道具朱古力拉出，由於下一張相已變成全黑畫面，感覺上就像成功「取出」朱古力。
第二招 瞬間轉移
如果嫌手機取物太困難，不如學更簡單招數，少少準備加演技就得。
預備材料：兩部同款手機、一條鬆身長褲。將其中一邊褲袋剪穿，並將穿窿位褲腳位置密封。
表演前，先將一部手機放在沒有穿窿的褲袋，作為「被轉移」的手機。為免被人睇到褲袋早已藏有手機，表演環境最好要暗。
正式表演時，向觀眾展示第二部手機，表示可將手機轉移至別處，然後將手機放入已穿窿的褲袋內，過程中可配合大量動作，以轉移觀眾注意力，此時手機已從褲管滑至褲腳位置。
繼續用演技加動作，扮作將手機轉移至另一邊褲袋。
做完大龍鳳，就可以從另一褲袋取出手機，完成瞬間轉移，不過只能變一次，無得變番轉頭。
神乎奇技
用手機玩魔術，以為不外乎啤牌銀仔真變假、假變真，查實外國魔術師
玩得好癲，上 YouTube睇片，認真出神入化。四機同變
美國魔術師 Jamie Allan向來愛用 gadgets玩魔術，仲自稱做「 iMagician」，兩個月前就試過用四部 iPad大玩「數碼魔術」，將 iPad中的假花變成真花，甚至從 iPad中倒水淋花。
keyword： Jamie Allan Digital Art嚇人蜘蛛
首先用手機相機影低觀眾手掌，將手機放在觀眾掌上，畫面慢慢就有隻蜘蛛走出來，魔術師仲可以用手指「撩」蜘蛛，玩完一輪拎開部手機，竟發現隻蜘蛛留低黐在觀眾手背，認真嚇一跳。
keyword： Boris The Magic Spider半部直轉
將人塞入箱斬件再前後反轉就見得多，街頭魔術師 Dynamo竟可將半部 iPhone擰反 180度，最後仲可以還原番部機，夠晒神奇。
keyword： Dynamo twists iphone百變 app
以前就話「無氈無扇，神仙難變」，而家有部
手機加個 app就得。連道具都無，得部 iPhone想變魔術，其實有好多 apps可以幫到手，請來 TVB《魔法擂台》冠軍李澤邦推介幾個「必殺 apps」，「呢幾隻 apps都好易掌握，雖然唔會話睇到人好驚訝，但搞氣氛一流。」想知有幾易玩，可以睇片學。
諗數字
玩法•估中對方由 1至 60中隨機想出的數字
解拆• app其實靠數學原理篩出對方想的數字，表演時，畫面看似出現大量隨機數字，如對方說數字出現在畫面中，表演者就可用手指向上撥，如回答說沒有就向下拉，只要回答四至五次， app就可計算出「答案」，完全無難度，不過最好別讓對方看出上下拉屏幕的模式，效果會更逼真。
易玩度•★★★★
Magic Number Magic Trick
支援系統• iOS
售價•免費
變卡片
玩法•從手機中拔出自己的卡片
解拆•先用 app影低自己張卡片，並將卡片藏在手機底，表演時先打開 app，然後配合畫面由機底拉出卡片，效果就好似由手機直接拉出來一樣。
易玩度•★★★★
Card Now
支援系統• iOS
售價•約$23
心靈相通
玩法•抽出對方揀中的啤牌
解拆•通過點選假 home screen上的不同位置組合，通知 app對方揀選的牌，完成後只要 chok一 chok手機，畫面就會彈出點選的啤牌。
易玩度•★★★
Rising Card
支援系統• iOS
售價•約 HK$23
揀牌
玩法•用洗牌洗出對方揀中的啤牌
解拆•開 app後叫對方在畫面上揀一隻牌，例如紅心 2，然後作勢在屏幕上不停洗牌，實質用洗牌次數及反轉手機次數的組合，去通知 app是哪一隻牌，完成後讓對方在屏幕上掃牌，之前揀好的牌就會「自然」顯示出來。
易玩度•★★★
Magic Shuffle
支援系統• iOS
售價•約 HK$7.8
只要在 Facebook以「 NEXT 3.0」為關鍵詞搜尋，或以手機的「 QR code」 app掃描，就可以睇到更多新聞同產品情報。
扮專家
識得玩音樂，一樣會受女士歡迎，不過，無音樂天分點算？原來裝 apps就得。
邊彈邊唱
內有過百首結他名曲，只要好似打機般跟住節奏掃屏幕，就可以輕易「彈」奏音樂，不過最好聽熟首歌先，亂彈好易穿煲。
Guitar! by Smule
對應系統• iOS
售價•免費
大量最新流行曲選擇，不怕俾人話 out。
學郎朗
郎朗曾經在演奏會中，利用此 app彈奏《 Flight of the Bumblebee》，技驚四座。但原來亂按畫面一樣可以扮識彈琴，不過開始時只有三首歌可以選擇，想有更多歌就要不斷玩同儲分。
Magic Piano
對應系統• iOS、 Android
售價•免費
跟節拍亂按就可以簡單彈奏一首好歌
隨身音樂
開 party點少得音樂，如果會場無音響，氣氛難以高漲，最好帶定小巧無線喇叭，或用同場幾部 Samsung手機，連線播歌。
群眾力量 Samsung Group Play
如果同場有幾位朋友都用緊最新 Samsung GALAXY手機或平板，可以利用 Group Play功能提升音量。先用 NFC逐部手機配對，然後用其中一部手機播歌，已配對的手機就會同時輸出音樂，不過就頗為食電。
對應機種• GALAXY Note 3、 GALAXY S4、 GALAXY TAB 3小巧炸機 Jawbone Mini Jambox
雖然只得掌心 size，但輸出音力強勁，高音低音都照顧到。有八款顏色選擇， party上播音樂絕不失禮。
售價•$1,698
查詢• jawbone.com/speakers/minijambox交友遊戲
用「 inReverse」行埋一邊唱歌，播放時就會由尾播番轉頭，幾有挑戰性。
想炒熱派對氣氛，莫過於諗定特色遊戲，等新相識朋友更多接觸機會，製造話題。
雖然戴上手都要花幾分鐘時間，不過外形夠 cyber，一定好多人想試玩。
手指電子琴
售價•$398
查詢• 3148 9455潮玩估歌仔
估歌仔最多人鍾意玩，想更加有噱頭，可下載 inReverse app。開 app後對住手機唱幾句歌， app就會調番轉來播，好玩過變聲。如果想有更多花款，亦可買手指電子琴，只要將手指琴戴上手，再在桌上或牆上扮按琴動作，手腕上的喇叭就會發出相應音調，由於得五個鍵，單手彈只可彈出成首歌的部分音樂，適合用來玩估歌仔。
inReverse Party Game
支援機種• iOS
售價•$8
介面雖然簡單，不過勝在夠特別，玩多幾次
都不覺悶。
彈出 LINE熊
賣相得意，最合女仔玩。
說穿了即是海盜桶遊戲，每人輪流插入一把小刀，插中令海盜彈出便算輸。不過，今次海盜變成 LINE熊，未開盒已經可以引來一班女仔圍觀。
售價•$149
查詢• 3102 2783鬆弛熊疊羅漢
玩法次要，最重要是有道具俾女士們影相，男士亦可乘機合照。
用不同物件玩疊羅漢，好多人都識玩，但要吸引女仔注意，就要用得意公仔。這款鬆弛熊疊羅漢用熱香餅做主題，擲骰仔決定放熱香餅、刀叉、鬆弛熊公仔上去，整跌就輸，造型夠得意，女士見到實玩。
售價•$200
查詢• 3102 2783多人齊指
就算無準備 party game，有 tablet一樣得，幾個人篤同一個芒，更易縮短距離。
出術更刺激
遊戲主要是鬥快，例如按同顏色方格、連續按屏幕速度等，玩到興起甚至可以出手阻止其他人搶分，由虛擬鬥到去真實。
Fingers Party
支援機種• iOS
售價•免費
鬥快消除自選顏色方格，數目最多就贏，亦可出手干擾其他人。
互逼鬥唱
聖誕節同朋友「唱 K」爭咪可能試得多，在 iPad上爭又有無試過？這款名為 King Of Opera的四人遊戲，玩法是要令自己控制的歌手站在射燈下唱歌，要千方百計將其他三位玩家的歌手逼走，甚至逼落台下，歌手唱歌唱得最長就贏，限時 90秒，抵死又好玩。
King Of Opera
支援機種• iOS、 Android
售價•$23、免費
要自己的角色站在射燈之下，唯有逼開其他人。
彈走搶分
玩法簡單，畫面中設有不同得分區，只要將自己的波子彈入即可取分，當然亦可用波子撞走其他玩家的波子，損人不利己。遊戲最多支援四人同時玩，亦有三種不同模式選擇。
Marble Mixer
支援機種• iOS、 Android
售價•$15（ iPad）、免費
細個玩真波子玩得多，想不到連 tablet都有得玩。
租場任玩
怕麻煩不想在家中開 party，出去租場好過。部分包場
最低消費只需四人，少人一樣開得。夠大 Comma Party
有大場亦有細場，各有特色，好似相中的客棧主題，夠特別。
場地大，而且有 10間獨立主題房，就算幾十人一齊開 party都無問題。場內不設食物，只提供飲品任飲，不過亦可安排到會服務。
容納人數• 70人包場時間• 3小時起
最低消費•人頭費$58起（最少 4人）
網址• http://www.facebook.com/commaparty150
多話題 薯仔屋
有機打又有得掟飛鏢，男女都適合玩。
場內除了有無線上網、投影機打機，仲有一部足球機同飛鏢機。店主將過百件收藏玩具放在場內任玩，又可以傾「玩具經」，更易有話題。
容納人數• 60人包場時間• 3小時起最低消費•$3,000
網址• http://www.smallpotato.com.hkParty Shot
去聖誕 party玩，一定會拎住部手機同朋友 snapshot，如果識得下載定攝影 apps，大玩自拍、隔空過相、或相片內加添聖誕效果，要聽到「你好叻呀！」絕對不是難事。
即影即印
同朋友影完合照，加埋相框效果之後，可以拎出這部只有手掌 size的 LG PoPo打印機，無線 print相送俾朋友，人人都 Like。
LG PoPo PD233
對應系統• iOS、 Android
無線連接•藍牙
售價•$1,999
網址• m.lg.com/hk
安裝埋專用 app，可以在相上加上 QR code，等朋友用手機一掃就知道你的資料。
拍手自拍
同成班朋友玩合照，不想走來走去 set自拍 timer，可下載 Clapmera或 AutoCam apps， set好相機角度後，就可以用拍手聲控制快門拍攝，情緒 keep住高漲。
Clapmera
對應系統• iOS
售價•免費
免費版只可拍攝 30張相，想繼續用就
要俾$24升級專業版。
除了拍手外，還可以設定「吹口哨」作快門控制。
AutoCam
對應系統• Android
售價•免費
添加氣氛
用 app為相片加特效已是基本動作，如果想更有聖誕 feel，就要用 White Christmas app，內裡有多個同聖誕有關的卡通人物或主題，更有白色聖誕感覺。
White Christmas
對應系統• iOS
售價•免費
一碰過相
同朋友影完合照，當然想即時 share，只要雙方都有裝 Bump，就可將兩部手機輕輕一碰，然後即時無線過相，方便過用 WhatsApp。
Bump
對應系統• iOS、 Android
售價•免費
text：科技組
photo：攝影組
graphic：劉志誠
没有评论:
发表评论