【本報訊】復古手機奇貨可居，諾基亞（Nokia）舊機海外炒價竟高見萬元！法新社引述法國復古手機網VINTAGE MOBILE指，部份消費者反璞歸真，重投傳統功能手機的懷抱，令舊機過去兩三年大賣過萬部。但經記者查訪，不論淘寶或eBay等網店，還是旺角手機零售店，店主及推銷員直言，黑白手機已絕迹市場，反問記者「係唔係玩嘢呀？」
網站VINTAGE MOBILE顯示，諾基亞炒價最高的舊款手機是8800 Arte金色型號，炒價高達999.99歐元，折合約10,560港元。於淘寶平台上，該型號則標價介乎4,400元至8,800元人民幣不等，僅有一宗成交。外國拍賣網eBay，兩個諾基亞 8800 Arte Gold的賣家，一位標價177.5美元（約1,376港元），至於另一位賣家則以159.88美元（約1,240港元）將手機掛牌，尚有八部存貨。
■網上炒價最高的舊款手機是8800 Arte金色型號，炒價高達999.99歐元。互聯網
先達店員：係唔係玩嘢？
專門售賣復古功能手機的VINTAGE MOBILE網站創辦人Djassem Haddad接受訪問時表示，過去兩至三年來，已合共售出超過10,000部非智慧型功能手機，顧客大部份是長者，以及欲買後備手機的用家，當中最暢銷的機種為諾基亞 8210，售59.99歐元（約633港元），與現時一部二手iPhone 3GS價錢相若。
被網友譽為「不死神機」的諾基亞 3310，或是摩托羅拉StarTAC 130手機，雖然只有基本通話與短訊功能，但他指出，市場對此類手機需求日增。
「手機達人」先達店主劉志剛表示：「冇乜可能啦，近呢兩三年都冇客攞諾基亞機回收。就算買後備機，至少要有彩色、上網、影相，即係都係智能手機。我哋收咗都冇人接貨，收一部半部嚟懷念吓、儲吓都ok。」
另外一間先達手機及配件商蕃茄仔，接受記者匿名查詢時，被問「收唔收諾基亞 3310或8810，有冇得買？」店員聞言後回覆：「係唔係玩嘢呀？仲邊有得買呀？」而百老滙旺角分店的諾基亞推銷員則指出，即使向原廠訂購，也未必能買到這些舊款黑白手機，「可能係自己砌部機出嚟，之後再賣，但香港應該唔會有人買，大陸仲有少少可能。」
點睇諾基亞炒價
先達「手機達人」 劉志剛︰
「呢啲舊機二手冇價㗎，唔係話佢1蚊都唔值，而係收返嚟都冇人要，收一部半部儲吓懷念吓都ok。」
市民 周小姐︰
「有一部Nokia做後備，因為新聞話可以用嚟擋子彈，真係㗎，有個人用嚟擋住心口跟住逃過一劫。」
没有评论:
发表评论