一大桶冰水兜頭淋嘅「冰桶挑戰」（Ice Bucket Challenge），近期hit爆社交網，可以做善事捐錢之餘，更加可以證明自己夠膽挑機。蘇施黃尋日就接下康宏理財主席王利民挑戰，一桶冰水兜頭淋，更揚言「唔想撈」同「找死」，要挑戰樂壇天后容祖兒、商台高層俞琤同紅顏知己金燕玲。
其實依個由7月喺美國興起「冰桶挑戰」，喺為咗響應全球對肌萎縮性脊髓側索硬化症(ALS)基金會嘅募捐活動。挑戰者只要拍一段自淋冰水嘅短片放上網，再指定另外三個人挑機，以「連鎖信」形式將挑戰傳播開去，如果怕淋冰水就要捐100美金畀ALS基金會。活動一個月內熱爆全美，連Facebook創辦人朱克伯格（Mark Zuckerberg）、微軟創辦人蓋茨（Bill Gates）同總統奧巴馬都收到挑戰。
蘇施黃不懼冰水，一大桶兜頭淋。
蘇施黃指名挑戰容祖兒、俞琤同金燕玲。
康宏理財主席王利民(右)、專欄作家徐緣(左)同Green Monday創辨人楊大偉，早前響應「冰桶挑戰」募捐活動。
没有评论:
发表评论