http://hkm.appledaily.com/detail.php?guid=18945509&category_guid=15307&category=daily&issue=20141124
中環在線：被蘋果寸唔忿氣 雷軍隔日再還拖 - 李華華
國產手機品牌小米俾人叫做「中國蘋果」，創辦人雷軍上星期四喺一個論壇豪言，未來5至10年將成為世界第一，即場俾蘋果副總裁Bruce Sewell寸番轉頭，話佢講就容易。估唔到雷軍耿耿於懷，隔咗兩日，上周六喺北京大學演講時舊事重提，話「我至少敢去想」。
雷軍又自爆，自己40歲時，即係大約5年前，已經可以過退休生活，佢都考慮咗半年，先至決定要創辦小米。而創立小米之初，佢打定輸數，認為自己百分百會輸，仲成日諗住公司會點死。
佢咁講，應該都係想話只要有夢想，凡事可成真啫，小米唔止冇死到，𠵱家仲發展到世界知名，本月初仲傳出小米最新估值可能去到超過3,000億元，又話有意明年上市。
雷軍強調，做人如果想要成功，首先要有夢想，其次要腳踏實地，最後係要重視機遇。照咁講，佢應該會抓緊上市集資，攞足彈藥擴展公司呢個機遇喇。
HH
没有评论:
发表评论