經濟峰會
新城財經台、信報合辦之「香港經濟峰會2015」，在十二月一日假四季酒店舉行。呢個「經濟峰會」每年由匯豐銀行工商金融（即Commercial Banking）大力支持，以前由梁高美懿出席主持，梁太離開匯豐後，就由王冬勝壓場，佢在匯豐嘅級數更高，顯示匯豐非常重視呢個峰會。
又係嘅，峰會演講人物幾陣容鼎盛，致開幕辭係金管局總裁陳德霖，跟住有馮國經博士講：「創新推動的新經濟，香港經濟的未來發展動向」；阿里巴巴集團首席營運官張勇講：「環球電商新里程」。兩人講完，展開對話，2020電子商貿的虛實變化，由科大著名經濟學教授雷鼎鳴主持。茶點休息過後，由港交所行政總裁李小加講：「後互聯互通時代」，再由王冬勝講：「亞洲世代，中國領航，香港機遇」。
王冬勝講詞有啲意思，佢話中國經濟體積超越美國已不是疑問，只係時間問題啫，考諸歷史，中國經濟一直居於全球之首，一直領先西方至十八世紀。英國開始工業革命之後，西方追上，超越中國經濟，係近三百年來之事，如中國在廿一世紀中葉重新返回GDP首位，只係歷史長河中一個常態，並非異態，反而香港人要諗嘅，係在此中國經濟復興潮，由谷底反彈向上嘅過程中，香港應站在甚麼位置，扮演甚麼角色，不致被歷史掠過、放棄。
王大班致辭後，梁兆基、曹仁超及恒基兆業地產有限公司執行董事黃浩明對談來年投資展望，三人一致同意了二〇一五年的經濟大敵是通縮，中日歐大規模量寬，油價、金價及外匯（兌美元）皆下跌，商業投資在物價下滑的環境很難進行，資產投資更加弔詭，人人悲觀睇跌的時候，沽空也賺不到多少錢，唔忿氣嘅大可運錢上大陸、炒A股，一齊鬥癲。唯一看升的，竟是香港樓價，越是細單位，越是看好，這也是香港的奇特現象，基本上反映了香港房屋供應不足，樓價太高，買家買不起千五呎，只好死死氣追求一百五十呎！講起嚟，其實好令人心酸。壓軸午餐演講由特首梁振英講香港角色就是「超級聯繫人」（super connector），峰會結束後他留在現場向記者發表意見，看電視見他說一句：「是可忍，孰不可忍」，看來警察清場行動，迫在眉睫了。 
I
没有评论:
发表评论