三任特首 梁振英最難畫
■早前隨佔中三子自首的尊子坦言，期望接觸年輕人為民主播種。
【針砭時弊】
政壇風雨飄搖時，對政治漫畫家而言是否靈感、題材多到畫不完？尊子說，剛好相反。例如雨傘運動歷時兩個多月，最怕無新鮮題材，最考功夫是捉摸社會的脈搏，找出與社會同步的題材加以發揮。他笑言，畫過三任特首，「梁振英題材多但難畫」，皆因要花功夫拆解其「語言偽術」：「如果純粹畫佢樣衰，畫多兩畫個威力就細咗。」
說話似是而非須拆解
「爭普選講N年，要講嘅已經講咗好多，但點去發掘新角度，鼓勵性來來去去都幾個方法，可能鼓勵唔到之餘仲好悶，有相反效果。」尊子說，雨傘運動期間，事情發生快、事件多而細碎，畫漫畫前要接收、分析各方反應才能融會貫通，「習慣睇埋兩邊反應，（警察）扑人嘅反應、被扑嘅反應、現場嘅反應、許Sir嘅反應。涵蓋性越大，得到嘅迴響就會越大，只講某一點某片段，稍為離開嘅人都冇感覺，作品嘅影響力就好低」。
尊子筆下政治人物活現，簡單四格，針砭時弊，令人會心微笑。原來他覺得三任特首中，梁振英雖然題材多但較難畫，「佢啲嘢聽起來對好多人嚟講好似係有道理，你要拆解係需要一啲功夫，你用比喻要精闢」。有別於大商家及公務員出身的董建華與曾蔭權，正因為梁懂得說一些市民「啱聽」而且似是而非的話，尊子不諱言，要花精力與他「鬥技術」。
《蘋果》記者
上一則: 尊子爭普選 「可比入獄更入肉」
下一則: 佔銅者臨別互勉 「毋須佔領也可抗爭」
I
没有评论:
发表评论