【奇聞】希特拉都頂唔順網絡23條
每次希特拉惡搞諷刺片一出，都是笑中有淚，今次「覺醒配音組」呢條新片，睇到人直頭喊出嚟。覺醒配音組由一群資深配音員組成，個個都有一億噸熱血，成員曾為「古美門」配音，鬧爆警察濫權，真真正正幫港出聲。今次就請來希特拉反「網絡23條」惡法，由獨裁的他講出創作人心聲，零舍有反諷意味。配音組還特別強調此乃「遺作」，因為如果「網絡23條」通過，就再不能推啜核的新片。
政府呢頭搞創科局，嗰頭扼殺二次創作自由，真係火都來。希特拉呢句好應景：「你想想這廿年來政府何時有關心過做創作的人。何時有幫過創意工業，他不把你弄死，你已經要劏房還神了。」片中提到戲仿、諷刺有豁免，他發老脾大罵：「豁免？本來屬於你的自由，為甚麼要被他變作施捨？」字字擲地有聲，香港人，要起來捍衛本來就屬於你的自由呀！
I
没有评论:
发表评论