【先達收風】 12.9吋iPad Pro放機潮 非專業用家平讓
舊愛新歡，係人類長久研究的課題！我明情義兩難存，不過如果換轉是IT產品，解決方法就變得易好多，放了它吧，等它重新找過好歸宿！
12.9吋iPad Pro開始湧現放機潮，預計二手放機價有機會下調。
話說9.7吋iPad Pro都推出了一段時間，12.9吋大版iPad Pro的放機潮終於開始了！暫時市面所見，求放的機種非常單一，都是128GB的WiFi＋Cellular版本，原機價是要$8,288，而且求放時還一律有跟Smart Keyboard（$1,348）。至於放機價方面，12.9吋iPad Pro（128GB / WiFi＋Cellular）連Smart Keyboard的二手放機價為$5,000至$6,000，還要視乎是否齊盒及新淨情度呢！
如果你想二手買入價又如何？12.9吋iPad Pro（128GB / WiFi＋Cellular）的機價為$6,700，至於Smart Keyboard 則需要分開購買，約價$700至$850。
或者大家都想問，價值$788的Apple Pencil二手收、放價如何？對不起！暫時未有這方面的資料，因為真係冇乜人放囉！隔籬舖sales口痕說 ：「如果係iPad Pro真心用家，應該對佢個12.9吋大屏幕，以至有超強感壓能力的Apple Pencil好滿意先啱。新機又如何？9.7吋點及得上12.9吋畫得順手又開心？換機人多是追潮一族，就算差價稍大，他們都不會感覺到問題！」現在12.9吋iPad Pro的放機情況，大概是每個多星期就收到一部，與以往一個月下來，只收到一隻、半隻好唔同，如果情況持續下去，二手放機價會有下調的壓力，聽sales們笑說：「買二手iPad Pro都幾抵！其實12.9吋都只推出冇幾耐，所以好多二手機都還有約半年的Apple Care保養呢！大家買時記得要問問！」
臨走前，記者還有一個驚人發現，竟然最新的9.7吋iPad Pro（128GB / WiFi＋Cellular）都開始有二手貨了！「原機價錢需要$6,888呢！二手價只需$6,200，而且Apple Care的有效年期去到 2018年的4月！」簡單理解係用了最多個零星期，就已經求放了，放機者冇講出任何原因，我只可以講句100%全新！原來香港有錢人，都不是一般的有錢呢！
查詢：PHONEBOOK（旺角先達廣場1樓F17舖 ）
記者：朱崇德
I
没有评论:
发表评论