想殺咗個政府！ - 陳也
在添馬艦旁邊，沒有人buy起個海濱泳棚益吓OL午飯時間游番二十分鐘水這種低級趣味，拎住黎明演唱會門票，被食環與消防聯手禁制個騷的歌迷，對住政總方向怒吼：「想殺咗個政府！」金句到呢，贏晒「編者按」，「I'm your boss」，「我跟你老闆好熟」，「我太太完全無企圖闖入禁區」。人同此心，年度dream word啱嘴形，「想殺咗個政府」！完勝！
殺得心涼，冷不防身邊小鬼駁嘴：「想殺政府？政府會化成厲鬼！門常開好恐怖喎！」報章剛好報道，名牌G店警告某紙紮鋪，他們手作的手袋皮鞋祭品逼真到侵權！係呀，生前買唔起，死後一樣唔可以博大霧搵牛鬼蛇神笨！這家名牌，由陽間直搗陰司，百無禁忌，氣勢直迫攞住行李黑面跑去機場禁區的狼太！狼家千金更是青出於藍，以個人名義發出律師信，將機管局軍！當班CEO紙紮！狼家一件唔係名牌的手提行李，令政府喪盡公信力，令機場安檢淪為國際笑話，這個政府，該殺的！去死吧！祭品都慳番！
上一則: 常「慘」 - 尊子
下一則: 星座 - 芬妮
I
没有评论:
发表评论