【奇聞】遭Airbnb女房東勾引 30年婚姻玩完
去旅行住Airbnb，越來越多房東會請住客自行check- in，全程唔現身，如果選擇租用整間屋，呢種情況尤其常見，因為始終大部份房東都有正職，工作時要抽空現身迎接旅客實在有難度。
情侶開心去旅行，遇到Airbnb房東積極誘惑，你會點做？
但奧克蘭一名Airbnb房東相當「盡責」，熱情到令男住客受不住誘惑，斷送了30年婚姻。事緣美國有兩公婆諗住去奧克蘭來個浪漫假期，老婆有啲事要遲啲先到，老公早到幾日去視察環境，佢哋入住嘅Airbnb女房東見狀，即刻施展渾身解數，借傾偈之名同佢聯絡感情，最初老公一開始都有同老婆報告，話覺得女房東過份熱情。幾日後，老婆終於現身，女房東不但冇收斂，仲不斷話要去拜會佢哋兩公婆，確保一切妥當，仲話「想檢查吓清潔阿嬸打掃得乾唔乾淨。」旅程尾聲，老婆要趕住先行一步，老公遲一星期才走，跟住就出事啦，女房東同老公經過深入了解，愛上對方，導致兩公婆30年婚姻玩完。老婆最近接受奧克蘭傳媒訪問時話，雖然知道呢類型事件並非常見，但都想借機提提其他住客，總之凡事要小心。
記者：盧懿靜
資料來源：《每日郵報》
上一則: 【寵物籽】超迷你動物雕塑 齋睇都開心
I
没有评论:
发表评论