【食家的堅持】唐唐say no to榴槤 推介灣仔小店軟雪糕
「推掉吧！有時真係冇辦法，得罪又好，令主人家尷尬都好。」沒想過這番話竟出自經常笑面迎人的yes man唐英年口中，對食他腰骨硬得多，「榴槤我唔食，點都唔食。白子我唔喜歡食，就算放喺我面前我都唔會食。」以為他平日去會所，高級餐廳食飯多，原來他都很貼地，為了美食無論遠近他都去，「腸粉有幾家都做得好，好似陳漢記，腸粉好滑，拉得很好。」茶餐廳他亦有幫襯，「我去過金鳳，雞批、餐蛋出前一丁都好食。」不過，要數他最近最滿意的小店，他想也不想就說灣仔交加里與巴路士街交界的雪糕店。「他有一個軟雪糕，如果食雲呢拿，可以淋一杯意大利特濃咖啡上去做成affogato。他的軟雪糕做得非常好食，很香、好滑、味道又濃，一定唔可以錯過。」
牛奶雪糕affogato，軟雪糕每日在店內鮮製，近九成材料都用日本貨。雪糕口感幼滑，不好甜如我可以追加一shot濃縮咖啡，$30。
宇治抹茶朱古力affogato，不愛牛奶或咖啡的話，可以試試用京都百年老店的宇治抹茶粉做的軟雪糕，配熱朱古力，$36
小店以旅遊做主題，定期展示店主旅遊時拍下的攝影作品。
被唐英年盛讚的小店Kafulin Gallery門口不算很起眼，舖面比附近的雪糕店稍大一點，獨沽一味賣意大利甜品affogato。小店開業半年， 店主之一的Neo和一同喜歡旅遊的朋友，把自己的旅遊時拍下的作品放在店內與客人分享，交流旅遊資訊。Neo曾多次到日本咖啡店打工，雪糕改良自日本食譜，甜度低一點，咖啡則用上苦澀味較輕的瑞士豆。出品受唐英年青睞他很驚喜，因為從未見過本尊幫襯，反而東亞銀行董事局主席李國寶的太太潘金翠、林建岳就時常來，由於舖面細，為方便名人客仔，他都提供外賣自取服務，將軟雪糕用冰鎮着，10分鐘內都不會溶。
Kafulin Gallery
灣仔巴路士街17-21號樂景大廈地下4號舖
記者：吳宛蔚
攝影：徐振國、伍慶泉、王國輝
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
I
没有评论:
发表评论