近74萬人投票創出奇蹟，但特首梁振英竟厚顏騎劫民意，單方面聲稱，大部份投票的市民是與他自己、中央、特區政府的願望一致，希望落實2017年普選。佔中發起人陳健民批評梁振英施展語言偽術，強調市民是要求符合國際標準的普選，「睇唔到市民係同佢目標一致」。立法會議員李卓人斥梁振英「先扭曲，後騎劫」逾70萬人的民意。
記者：林俊謙 姚國雄 麥志榮 余錦洪
■昨被問到全民投票是違反哪條法律，梁振英說是無法律基礎，並非會有刑事責任。馬泉崇攝
梁振英昨出席行會前一改慣例，先向傳媒發言，提及《環球時報》前日標題為「香港非法公投人再多，也沒13億人多」的社評，稱「唔同意」有關文章，指任何人都不應將港人同中國人民對立起來。
梁振英更將逾70萬人投票的民意騎劫：「無論人數有幾多，公佈嘅人數裏面有幾多水份，我相信大多數參與嘅市民都表達咗，希望喺2017年落實特首普選嘅願望同訴求」，指該願望「同中央政府、同我本人、同特區政府係一致」。他稱大部份參加佔中投票的市民，均不會贊成佔領與癱瘓中環。
稱《基本法》沒寫「國際標準」
梁振英稱，《基本法》沒有出現「國際標準」四個字。《基本法》規定與國際標準不同，例如在香港，只要是香港居民，即使非中國公民便可投票，即外國人在香港選舉中享投票權，外國卻一定要求是本國公民才能投票，反映香港選舉是按香港實際情況和《基本法》而非國際標準。
梁又舉另一例指，特區政府可通過自己的法律，不實行全部的全國性法律；外國市政府只有通過自己市政府的簡單通則，需實施全國性法律，「呢啲權力嚟自邊度？就係中央人民政府額外授權，故此中央人民政府喺《基本法》下，係有權任命特首，外邊嘅選舉就唔需要佢嘅國家首長或元首去任命特首，呢個亦說明特首權力同選舉，冇一個國際標準」。他聲稱這些安排較國際標準「更寬鬆」。
港澳辦曾指全民投票是非法，梁被問到違反哪條法律，梁說：「用香港語言嚟講，即係冇法律基礎咁解，並唔係話做呢件事，係會有乜刑事責任。」
工黨立法會議員李卓人批評：「佢係先扭曲，然後騎劫70幾萬人嘅民意，今次三個方案都係有公民提名，市民都企出嚟投票，明顯係追求真普選。但中央、政府係想搞篩選，唔想畀真普選畀香港。梁振英想夾硬話我哋同佢食同一種菜，但係佢嗰碟係假髮菜。我哋係想要真髮菜。」
被嘲諷「君臨天下的自大狂」
佔中發起人陳健民也不認同投票的市民與政府目標一致，因為市民是要求特首普選方案符合國際標準、沒有篩選，「我哋至今未聽過政府喺呢方面有任何承諾。佢（梁振英）話同我哋目標一致，我睇唔到係咁。除非政府承諾佢唔會搞全票制去破壞真普選，否則我哋唔使相信佢嘅言論」。
公民黨梁家傑指，「君臨天下的自大狂」梁振英不同意《環時》把香港人和中國人民對立，只是出口術企圖為下周的7.1遊行人數降溫和減少民間公投的人數，諷刺是梁振英長期在香港搞分化，令社會各階層對立。
【一人一片一起撐良知覺醒】
要達至全民投票，需要大家口耳相傳。作為香港的一份子，我們不要認命，更要喚醒他人！
誠邀大家以15秒短片說出你的心聲，呼籲身邊人投票，見證良知覺醒！
上載短片：
●進入「我撐公投」網頁
http://622popvote.appledaily.com/
