中環在線：佘詩曼出租紀雲峰 月袋八萬 - 李華華
■佘詩曼演技好，投資亦叻，最近租出其紀雲峰單位，回報率接近3厘。
娛樂圈唔少藝人鍾意買磚頭保值，佘詩曼就係典型例子。阿佘舊年大約用3,340萬元，買入跑馬地豪宅紀雲峰一個單位，近日就有消息傳出，呢個單位剛成功租出，月租8萬元，以單位實用面積1,509呎計算，呎租53元，回報率接近3厘，以豪宅而言，回報率算係唔錯。
阿佘向來投資有道，認為在港買樓可以儲錢兼保值，於是將大部份收入都儲起用作買樓。佢最勁喺2003年地產低潮時，用500萬元買入北角雲景道海景台，3年前以1,368萬元沽出，賬面大賺868萬元，勁袋一筆。
除咗阿佘，電影公司主席蕭定一同阿爸蕭若元聯名持有一東半山肇輝臺景麗苑單位，傳聞最近用賣殼方式以1,900萬元沽出，賬面約賺400萬元。
■紀雲峰
没有评论:
发表评论