正在上映的三級片《3D豪情》雖打正旗號賣弄色情，但亦展示當代的日本AV文化。主角杜汶澤日前聯同三位女優夕樹舞子、沖田杏梨及辰巳唯踩上《亂噏24》，赤裸裸談情說性絕不忌諱。黎智英笑說：「中國人同日本人最親密關係，都係AV同麻甩佬嘅關係！」節目足本版逢周四晚上11時播出，讀者可在http://bit.ly/appletalk24
重溫。
撰文：馮國康、Sidekick
■阿澤與三位女優齊齊殺上《亂噏24》，大講日本的AV文化及拍攝趣事。攝影：方智傑
猶記得杜汶澤去年捧着肥肚腩踩上《亂噏24》，跟黎智英身形不相伯仲，誰知事隔半年再次擔任嘉賓，彷彿變了第二個人。阿澤為拍攝《3D豪情》，效法張家輝狂操身形，又聘請了醫生和私人教練，結果皇天不負有心人，成功換來鋼條身形。阿澤如今再吃肥膩食物也不會「翻脹」，因他的體質和循環系統都變了。肥佬黎補充：「係個心理改變，最緊要呢樣嘢。」陳淑莊（Tanya）問肥佬黎：「係咪心動（減肥）？」肥佬黎答：「有呀。」
了解製作不再自卑
今集節目同時請來三位日本AV女優夕樹舞子、沖田杏梨及辰巳唯，話題當然離不開日本AV文化。原來肥佬黎最想知道AV男優是否靠食藥，他說：「睇親都自卑㗎，有冇食藥呢？」蔡瀾笑說：「呢個話題比較好聽啲，先頭嗰啲廢嘅！」蔡瀾當年都有監製過這些小電影，打真軍都有，但做愛片段只能賣埠，不會在香港上映。
■肥佬黎（左二）自言睇AV會感到自卑，經阿澤（右三）解釋製作方式，即恍然大悟。
在等候三位女優期間，阿澤先向肥佬黎和Tanya講解AV的拍攝實況。原來AV女優簽約拍一部AV，其中一個條件是可讓男優在其身體任何部位「發射」三次。至於男優，阿澤曾向「神之手」加藤鷹請教，他畢生拍攝了八千部AV，高峯期每天拍四部。阿澤說：「咁佢點做呢？所以日本有汁男，負責『滴嘢』嘅，咁佢哋由頭到尾做一次master先，咁有啲tight shot就補替身，補番啲器官呀，女仔反應呀。咁完結嗰吓，汁男就嚟，有時整落你塊面呀身呀咁，代表完結一件事。」阿澤又提到精液也有A貨，那是一種yogurt的飲品混合蜜糖、煉奶的漿液，然後駁一條管在身上位置，便可扮作完事。肥佬黎聽罷恍然大悟：「哦，咁唔使自卑啦，原來咁樣設計！」蔡瀾最抵死：「真嘅冇可能嗰啲顏色，邊有咁杰！」Tanya已笑到要用餐巾掩面。
《3D豪情》雖然不是首部3D鹹片，但阿澤依然充滿信心，他笑說：「《3D肉蒲團》出嚟係恐怖片，同埋3D部份多數擺喺字幕度。我哋嗰啲真係鹹片嚟！」片中一幕，有「人類最強body」之稱的沖田杏梨會將42L巨胸壓向阿澤頭部，阿澤笑說：「42L呀！我數咗幾耐，A、B、C、D……L，十二級呀，香港打風都係十級咋！」Tanya已笑到無面目見人，她哀求導演：「幫我打格仔得㗎啦，薄格。」
■懂得日文的蔡瀾與夕樹舞子密密斟，令阿澤也關心埋一份。
■陳淑莊雖然只在節目初段現身，但聽到阿澤講解的AV歷史也笑不停。
■阿澤爆拍攝《3D豪情》時的事迹，段段有味。
女優現身全場起哄
話口未完，三位女優徐徐現身，即令現場氣氛急升。眉飛色舞的阿澤，用《3D豪情》趣事來介紹三人。他記得首日拍攝便跟辰巳唯做對手戲，劇情要求對方伸手摸阿澤褲襠，事後阿澤叫場務拿消毒𤩹液給辰巳唯洗手，怎料她說不骯髒，還伸手給阿澤嗅一嗅。沖田更厲害，其中一幕講述阿澤搭地鐵誤闖女性專用車廂，被她的42L胸襲「懲罰」，肥佬黎問道：「有冇撞暈你？」阿澤笑說：「估唔到佢搵啲嘢嚟啄到我隻眼！呢個恐怖！」他又提到電影公司幫沖田的巨胸買了1億日圓保險，阿澤說：「所以睇好啦，唔好整爛呀！」至於夕樹舞子更是港人的集體回憶，入行20年的她拍了約四十部AV，十多年前來港宣傳時幾乎癱瘓了旺角。
拍過這齣電影之後，阿澤更加尊重AV女優，其中對夕樹舞子更為敬佩，他說：「我細個都好鍾意睇佢啲戲，睇佢多過劉德華。」說罷回復認真：「夕樹舞子細個俾人強姦過，佢覺得好怕呢樣嘢，佢拍AV可以不停做呢樣嘢，佢話要克服佢。」夕樹又跟阿澤說，當她拍AV時，身體是屬於觀眾，這種無私精神令阿澤不禁反思。他又跟另外一位AV女優麻生希拍攝一幕激情戲，對方要騎在他身上，拍完後阿澤發現褲子濕了一塊，他說：「我就諗係咪我呢？但我都冇乜反應吖，後尾發覺應該係對方。佢自己好專業，扮吓扮到變真。」肥佬黎問AV女優可以做到幾多歲？夕樹很有幹勁的答：「可以幾多歲都做！」肥佬黎認為做AV女優一定要大癲大肺，拍戲時便會覺得開心。
髮型、化妝：Kathy L.、Jennifer
没有评论:
发表评论