萬九蚊玩Google glass Explorer潮爆！
Google Glass自推出後一直係科技界熱話，最近正式推出Explorer版，搵更多人做白老鼠，官方定價千五蚊美金（約港幣$12,000），一樣大把人爭玩。
原來早兩日先達G World已引入了十多隻Google Glass Explorer，開價$18,800，貴原價六千幾，但一樣熱賣，採訪時正有豪客買入一隻，據知暫時店面只賣淨一隻。有意入手要留意，店員表示雖然第一、二批貨數量不多，但應該會keep住入貨，應不怕買唔到。其實今次賣價已比幾個月前的$23,800平得多，有意做潮人的，入手應該不難，有錢就得喇！
既然潮爆的Google glass Explorer有現貨到港，當然要睇吓其真面目。以纯白紙合盒包裝，打開後整體設計也勁簡約，勁有蘋果產品影子。當中包括有主機、鏡片、機袋等等，另外跟機都有Google Glass自家專用紙袋，內到外都型爆！
功能方面，店員就話基本上是完全開通，但就要開個美國Google賬戶來玩，即係同早前到港的測試機一樣，在香港未必能盡用這高科技功能。
上一則: 【Game移動】《Trials Frontier》收集道具 電單車升呢
下一則: 日本首位汽車女工程師 重細節落場試車
没有评论:
发表评论