中環人語
世紀婚禮：「個女仔仲係處女?」
近排上流社會罕有的熱鬧，一 pair門當戶對嘅新人喺海外舉行世紀婚禮，好多政商界人士都俾面出席。當日點樣奢華唔在講，但最令賓客噴飯嘅，係男家老爺上台講嘅一番話。話說新郎並非第一次結婚，令對家有點微言。一向「語不驚人誓不休」嘅新郎老豆，上台致辭時，就講咗以下一番說話：「有人問我：『個男仔離過婚，正常嗎？』我想反問：『咁個女仔仲係處女嚟㗎？』……」此言一出，全場靜晒，唯獨一位最近官司纏身嘅股壇大亨笑到格格聲。
其後新郎老豆再講：「有啲人對女人好闊佬，但對個女就好孤寒。我一買就三十個 Hermes送俾新抱仔！」此話明寸經常送禮兼與女伴遊埠的新娘老豆。唔通今次男女雙方都按慣例做晒 background check？睇見咁過癮，部分賓客此時開始起勁 WhatsApp及 send短信，將消息傳返香港！據知當晚新郎老豆喺會場內風騷滿場飛，新娘老豆則坐埋一邊，當正自己隱形。呢場親家點做落去？難睇矣！
幾時煩上司?
港大建築系畢業，由一個小小的項目經理，扶搖直上，升任至富豪國際（ 78）、百利保（ 617）及世紀城市（ 355）的董事。
他每期分享不同的職場經驗及秘笈；要上位，無往不利。有些初出茅廬的打工仔問我，究竟在什麼情況下才能做決定呢？他一方面擔心上司罵他自把自為；但要是不做決定，每事問，又會被罵：「乜你咁都決定唔到！」令他們感到無所適從。
我看過幾本書，有一些建議，可給大家一個判斷準則。在工作上遇上各種問題，應該分為三類。 A類，是一些下屬自己無能力亦無權處理的問題，這就一定要問准上司。譬如你代表公司跟某些人談判，對方提出的要求，應否答應，一定要先問上司，不可自己話事。當然，過程中你可給予意見，但決定權一定要交給上司。 B類，有些問題你有信心解決，但由於問題有一定嚴重性，你仍然要通知上司。通知前，你心裡必須有一個具體的解決方法，只須等待上司 say yes，同時令上司覺得你表現 OK。 C類，亦是最簡單的問題，就是日常工作上的問題，你怎樣做也不會影響上司及部門，就自己做決定吧。要懂得把問題歸類，才不用常常被上司覺得你煩！
隨着你在這間公司的經驗，應漸漸把 A變 B、 B變 C，處理問題手法愈來愈成熟，那距離上管理層，又行前一步！續歎豪宅 張震遠「慳人闊自己」
啤梨張自從去年五月被傳財困，兼商交所爆煲後，就不斷被追債。上個月商交所已被頒令清盤，下個月十一號就輪到啤梨張「被破產」嘅聆訊開始。不過生意失敗嘅啤梨張生活仍舊優游，仲鋪定後路，免得自己無靚景豪宅住。
上月底小宗聽聞啤梨張住咗四年嘅淺水灣三千多呎豪宅已約滿，於是四出打聽佢新竇位置，點知一直無下文。原來佢同老婆未傾掂數；張太想搬離已曝咗光嘅豪宅，但啤梨張覺得一動不如一靜。經過成個月考慮，最終都決定繼續住落去！據知淺水灣個豪宅單位，係以啤梨張名義租下，暫時未知新租約，會否轉以無做嘢嘅張太駱晶瑩名義簽署。
計計數，啤梨張住緊個單位月租成十七萬銀，一年就要超過二百萬元！商交所至今仍拖欠三名前員工工資百多萬元，真係「慳人闊自己」！咁究竟錢從何來？難道真的是樹上跌下來的嗎？
對正淺水灣無敵海景的豪宅，的確讓人難捨難離，加上近百呎露台，唔願搬好正常。（廖健昌攝）
破產使乜驚！（設計對白）
啤梨屋企同圖中放盤的間隔一模一樣，只係多咗少少樹景。（廖健昌攝）
鋪王之子愛飄移
今次教鄧耀昇（左）同莎莎女婿陳振邦（右）飄移嘅，係有香港甩尾王之稱嘅吳海堂（中）。
半個月前買起東海酒樓、話要回復「鍾錦時代」嘅鋪王鄧成波之子鄧耀昇，近日愛上飛車飄移。嘩，乜咁快不務正業？佢同小宗話係為公益金籌款表演。佢係今年嘅百萬同心公益金聯席主席，負責孖住莎莎女婿陳振邦玩甩尾。得廿八歲仔嘅鄧耀昇，平時揸車都鍾意甩吓尾，扮吓型，今次有專人教路，學埋順逆時針、八字及「 burn呔」呢甩尾三招。
愈講愈興奮嘅鄧耀昇，話三個星期前先換咗架自動波，依家好後悔，因為無得「學以致用」。以往叫阿仔「乜都放膽試」嘅鄧媽媽，今次就 say no，可惜抗爭無效。係嘅，有啲嘢試試吓，就會上晒癮；人生經驗豐富嘅鄧媽媽，有佢道理！金牙大狀講嘢
霍大班份糧冠絕同儕，高達一億八千萬，可能因為要包埋扮傻啩。（于港民攝）
霍大班份糧包扮傻？
電能主席霍大班話唔明點解要同內地買電，指此為倒退，不能接受。佢並且話咁做法猶如買東江水，香港根本冇議價能力可言。真係唔明？扮傻至啩！
冇錯，買東江水，香港確係冇議價能力；但而家港島居民同電能買電又好有議價能力咩？又咪任得你霍大班開天索價？否則港島電費又點會長期高過九龍同新界呢？同內地買電咪好似香港自己起海水化淡廠咁囉，多些少選擇，等唔使俾人襟住搶吖嘛。
眾所周知，霍大班係全港人工最高嘅打工仔，舊年袋咗一億八千萬元，多過唔少上市公司一年嘅純利。莫非佢份糧包埋要扮傻？中環人語迷你版
“ I don't think so囉！”
估中邊個中環人講呢句說話，送你 JWATCH J-37水晶版藍寶石鏡面限量版手錶一隻
有意參加者，請於五月二十一日（星期三）下午一時後，將答案、姓名及聯絡電話電郵至 centralman@nextmedia.com
小宗只接受電郵，郵寄免問。
本刊員工及直系親屬不得參加。
為求公平及杜絕偷步搶答起見，請於每個星期三下午一時後來電郵競猜答案；在此之前發出之電郵作廢。
超過一位讀者估中，先到先得，恕不接受上訴。
答案及中獎者姓名將於下期本欄揭曉。上週人語揭曉
“變性人寫個名又多幾日假放。”
答案：張宇人
得獎者： Yip Kim Fung
中獎時間： 1:00pm 14/5/14廣告時間
你有某財團嘅黑幕想爆？你知邊間上市公司造假？
你仲想舉報地產霸權嘅不公？
歡迎你將財金界嘅寃屈或過癮八卦事，爆俾《壹仔》財經組知，一切報料，均會保密！
爆料熱線/whatsapp： 6829 5929
没有评论:
发表评论