對開拍《選戰II》信心十足 王宗堯：麒麟都顯靈啦！
對開拍《選戰II》有信心 王宗堯：麒麟都顯靈啦
【維基解密之上天有眼】向來憑良心做事的男神王宗堯，前晚相約《選戰》一班演員廖啟智、麥子樂、陳逸寧及總導演黃國強和幕後人員等在銅鑼灣食開年飯兼睇大結局。席上大家都談論《選戰II》會否開拍，宗堯對此信心十足並語帶雙關說：「唔怕開唔成，我有信心呀，麒麟都顯靈啦！當時我喺泰國旅行，好多朋友都send畀我，笑到我吖，證明香港政壇有希望。」宗堯所指的「麒麟」似乎是指年初二在車公廟求籤活動上，將葉劉淑儀撞到飛起的「麒麟」。前年年底港視不獲發免費電視牌照，有指當時身兼行會成員的立法會議員葉劉有份拒絕發牌予港視。
■王宗堯前晚相約一班《選戰》演員食開年飯兼睇大結局。
■王宗堯提起「麒麟」顯靈事件，笑指香港政壇有希望。資料圖片
■總導演黃國強指《選戰II》的劇本一早已有，能否開拍還是未知之數。
智叔認港視聲勢跌
智叔則直言開拍續集要打鐵趁熱，他解釋：「香港人節奏較快，一係就快啲怕，一係就開第二種戲路，我唔難度期，宗堯難度啲，《選戰》靠佢。」他直認港視聲勢沒有開台時好，他說：「都係呀，一個禮拜播得一集，但整體製作都比以往好好多。」陳逸寧則帶二十一個月大的囝囝到場，由於第一輯有好多大膽鏡頭，她笑言要喼弗迎戰第二輯，問可擔心將來囝囝會看？她說：「都係一個心理關口，自己會同囝囝解釋。」
《選戰》總導演黃國強已離開港視，對於會否開拍續集，暫時未敢講。開拍會否加入麒麟新元素？他笑說：「小修改可能會有，劇本已經一早有，始終有個骨幹喺度。」
採訪：黃曉妍
攝影：葉君海
HH
没有评论:
发表评论