【嬲女兒報警】每日與卓林傾偈 吳綺莉：要開心見誠
吳綺莉今日喺灣仔為DBC電台主持節目，講到囡囡吳卓林已經返咗屋企住，吳綺莉表示每日都有同囡囡傾偈，不過要互相調較，始終卓林0依家反叛期，佢仲話：「不嬲都多時間陪佢，佢呢個年紀會同朋友傾偈，未必同父母傾，我同佢講唔好再有藉口，話我唔同佢傾偈。」
吳綺莉指會迫個女講，怕唔怕令佢大壓力而有反效果？佢話：「係佢之前話同我溝通少，咁應該好想同我傾啦，其實某程度上，我有少少嬲，打電話畀警察，帶警察嚟搜屋企，件事可以好嚴重，好彩你阿媽怕死，有冇諗過後果會係點，我唔可以再畀呢件事發生，要開心見誠，唔好有事先去處理，件事可大可小，小朋友諗法未必周詳，但媽咪做幕前，你（卓林）做嘅嘢會對我好大影響，0依家唔係怪佢，我都學習緊，但我接受唔到有第二次，我頂唔順。」
有冇聽話戒酒？吳綺莉指囡囡嘅出發點係好，擔心佢嘅健康，不過吳綺莉表示唔會話唔飲，只會飲少啲。
Z88
没有评论:
发表评论