膽大蛾vs哭牆狼 - 陳也
人到無求品自高，官到無求膽自大。
狼到無求呢？笑話！蛾大發「官威」，是針對狼發出最後通牒，不必解籤佬，蛾話過狼知：
一，我已經官到無求，唔會做當奴曾第二，你唔使set局陷害我。五千萬拜拜費，我阿蛾唔恨！
二，飲鉛水無預我，但咪以為我冇膽同狼擘面！我這個「雙無」訊息，就是公開明志，除了好打得，我一樣好嚇得，唔驚你加大力度兇我！
三，官到無求，自動upgrade升上神級。阿狼，今日拜了神未？你唔信神，係咪假尼姑集團的董事？
四，膽大心細面皮厚，葉劉，唔使搵中國醫生驗我塊面了，我保證乜都冇整過，胸唔大得過你，膽你就冇得比！想跟阿狼聯手插我，嘿嘿嘿，你兩個真係自大。
五，狼對住哭牆張相，橫睇豎睇，佢個po屎似係牆邊暗角屙尿！官到無求，你估咁易？狼生，忍吓啦，咪學愛國同胞，試吓用忌廉蛋糕塞住先啦！
I
没有评论:
发表评论