http://hkm.appledaily.com/detail.php?guid=19365336&category_guid=15307&category=daily&issue=20151109
樂香園：股災傷中央之明？ - 密西比
日前密西比跟基金朋友「吹水」，席間說起中央在股災後多次出手救市，到人民幣兌美元大跌，又對滙市「上下其手」，最後更出「大絕」，連番「放水」減息降準救經濟，令不少人覺得過去多年來，於經濟層面「執行能力」頗高的中央，有點手忙腳亂。
中央方寸大亂，朋友認為，這是凸顯高度中央集權面對瞬息萬變金融市場時，特別是面對「洋人」，中央不是萬能。不過，朋友指今次「中央失靈」，又並不是完全代表救市招式無效，只是「出招」時間不恰當，結果才導致「事倍功半」而已。
朋友說：「我估中央舊年已估到經濟唔得，好多企業爆煲，所以推高股市畀公司抽水，但又明白要引長線資金撐住股價，等個古仔可以玩耐啲，於是就搞咗啲爛鬼滬股通出嚟。」朋友再表示：「股價唔可以冇實質支持下不停升，所以就準備定喺適當時候，用減息、降準同人民幣貶值，藉以增加貨幣供應兼推動出口，畫餅充饑，務求捱過呢一、兩年低增長期。」
世事都給「事後孔明」看透了，中央可怎樣收拾這個殘局？朋友說：「𠵱家講乜都係冇用，一個股災打亂晒陣腳，冇計。」臨表涕零，不知所言。
密西比
I
没有评论:
发表评论