【旅遊籽】日本首間裸體餐廳規矩多 要check BMI先畀入場
想去日本裸體餐廳體驗嘅朋友留意番，超重嘅話唔畀入場，自己返屋企計咗BMI先訂位會穩陣啲。
近年西方國家都紛紛開設裸體餐廳，點都估唔到，日本都湊熱鬧玩埋一份。日本一向出名着重禮節，相比起外國思想冇咁開放，果然，喺東京開嘅裸體餐廳都有獨特玩法。喺即將於7月29日開幕嘅The Amrita，客人需要着住餐廳提供嘅紙底褲，而非真正嘅全裸。但唔好以為有錢就食得到，除咗要排waiting list慢慢等位之外，仲有體重限制，超過標準體重15公斤就唔入得。餐廳網頁講到需要時會幫客人計BMI，根據身高體重比例去衡量，如果落訂後到場先發現自己體重唔合格，訂金係唔會退番畀你嘅，I'm so sorry，所以自覺形形比例均勻嘅人，為安全起見，返屋企計計BMI先訂位啦。其他注意事項包括，謝絕有紋身嘅客人，以及只招待18至60歲嘅客人，電話或相機會在用餐前幫你保管好等等。每位價錢由$1,100起，餐廳將提供有機菜單，希望大家食得健康。
記者：盧懿靜
資料來源：Rocketnews24
I
没有评论:
发表评论