【確定了！】Apple發正式邀請 9月12新總部見新iPhone！
Technology
確定了！確定了！Apple在剛剛香港時間9月1日凌晨正式向全世界發出邀請電郵，將於美國三藩市時間9月12日早上10時正，亦即香港時間9月13日凌晨1時，在位於庫比提諾的新總部中的Steve Jobs Theater舉行發佈會！發佈會時間跟早幾日傳出的傳聞一樣，不過就一如以往，冇正式講明係發佈新iPhone，而只是以「特別活動」來定名今次發佈會。雖然冇講到明，但相信都唔會唔係新iPhone，至於係咪如傳說中有iPhone7S、7S Plus，仲有部iPhone 8（iPhone X？）就真係要到時至知。
Apple在剛宣佈將於美國三藩市時間9月12日早上10時正，亦即香港時間9月13日凌晨一點，在位於庫比提諾的新總部中的Steve Jobs Theater舉行發佈會！
不過比較驚喜的，就是今次發佈會終於在新總部舉行，邀請亦以「我們，家裡見」為主題，所以除了新iPhone，第一次正式開放的新總部亦是一大賣點，相信好多人都相當期待！不過據講，Steve Jobs Theater場地唔算好大，受邀傳媒可能會比以往少，但有幸蘋果日報仍是受邀之列，記者當然第一時間留名參加，到時跟大家直擊報道喇。
發佈會將於庫比提諾的新總部中的Steve Jobs Theater舉行，是第一次正式開放的新總部。
雖然冇講到明，但相信都唔會唔係新iPhone，至於係咪如傳說中有iPhone7S、7S Plus，仲有部iPhone 8（iPhone X？）就真係要到時至知。
另外不少人都愛從邀請的設計中找尋發佈會的蛛絲馬跡，而今次邀請信設計就相對簡單，只有一大個蘋果標誌，但內裏就有藍、紅，及類似象牙色，唔知係咪又暗示有新色推出呢？上代已經話會有的藍色會否在今次真正出現呢？就要留意我們果籽第一時間的報道了。
記者：韓繼聰
Z88
没有评论:
发表评论