中環在線：王利民話要學習「無畏無懼」 - 李華華
王利民喺facebook分享菩薩像，似乎睇得好化。互聯網圖片
康宏（1019）風暴劇情幾乎每隔幾日就有新發展，關鍵人物之一、前康宏主席王利民先係被廉署調查，繼而被停職，最近仲要被公司新管理層入稟追討，認真煩過梵蒂岡。不過一向豁達嘅王利民近日生活依舊，繼續喺facebook分享跑步行山「食好西」嘅相片，噚日更加分享菩薩像，似乎睇得好化。
噚日朝早王利民發帖分享一張似乎係自己影嘅屋企擺設觀音像，表示自己雖然無宗教信仰，當初買菩薩像只是為藝術，而非參拜供奉，但早上出門時被觀音一臉祥和吸引，令煩擾心情都得到紓緩，「一念 : 眾生見果，菩薩見因，信焉」，意有所指自己可以相信佛緣。
一如王利民近日的發帖，唔少朋友都留言鼓勵，他亦回應指自己正學習和練習「無畏無懼」。
李華華
...................
没有评论:
发表评论