左Cut右Cut不如貴航？ - 鄧達智
有個網絡叫芒向報？
當相當多讀者朋友及國泰/港龍十分無奈兼冇癮的粉絲在Facebook回響上週三本欄《俾經濟艙點心嚇窒》，惋惜香港優秀品牌國泰航空質素大不如前並提出他們的親身慘淡經歷，給予不少改善意見；際此這份芒向報竟然奇妙地不似平常躁狂失心瘋網絡維園阿伯狂打落水狗，反而為國泰說盡不少好話。
也有好些讀者將遊戲文章放上網絡，引發的回響才真正既好玩又過癮……
坐經濟艙又想食頭等菜，鄧某某成個三姑六婆，真係麻x煩！
鄧某某收其他航空公司錢，唱衰國泰！
人地取消你設計套制服，唔忿氣，公器私用！……
回應以百則計，大多數提出客觀兼建設性Comments，中間好些逢乜鬧乜，當然少不了粗言穢語免費補習。
常言：做慣乞兒懶做官！相對貴族；公主學做妹仔拿手唔成勢……
面對衝激一浪接一浪；廉航、油價、年輕一代辦事熱情與責任心稍減、管理階層辦事能力打折扣、光輝年代留下頭重腳輕的架構；國泰點會不想做到最好不過點樣先至做得好？如何回復往昔世界第一航空公司？如何保持香港人曾經的驕傲？將Budget左Cut右Cut，Cut出惡評如潮、神憎鬼厭、眾叛親離，做慣國泰航空「冇麵包點解唔喫Cakera啫？」嘅公主，點識做麵包都食唔飽嘅妹仔？
跟隨低端人口趕時勢着Uniqlo，卻難捨從來Cartier配襯？
豬八戒照鏡兩邊不是人！
不如學南非過去種族隔離政策，在飛機內築起兩道籬笆，分成三項Class：頭等、商務、廉航。加大前面兩個Class座位，同一出入口，機組服務人員穿正常貴氣制服，專供高質素餐飲，猶如國泰過去予人高雅形象。
取消經濟客艙，反正再經濟都不及廉航，Cut至七零八落留人話柄，不若破釜沉舟，向歐洲非常豐富廉航學習；機組人員制服改為簡潔便裝甚至運動裝，茶、水、咖啡、汽水欠奉，需另收費。俾乜嘢錢、回報以乜嘢水平服務，主客兩不相欠，乾淨俐落。
廉航，即是裸搭，乜服務都冇，飛機餐？自備；甚至聘請外判保安人員代替空姐空少，至緊要維持秩序，必要時掟一兩個搞事乘客落機。
好嘞，騰出精力，全心全意將商務及頭等艙處理以極專業、極高水平。使用的機組人員相應減少，聘請漂亮、文化水平略高空姐空少的空間反而闊了。不怕收費高，只怕餐飲服務不夠好，半架飛機做貴航、半架飛機做廉航，前後兩半飛機不往還，就似鐵達尼號，高端貴客與低端賤客分隔開，假以時日貴航做起聲色，索性全機貴；這樣的機種服務早已出現，已非新聞，國泰想贏回昔日風光？
無謂向廉看，一貴一路，別無他法！
没有评论:
发表评论