6月蘇永康與廖碧兒因拍《童話戀曲 201314》撻着，問到兩人有沒有親熱戲，蘇永康話：「都有，蜻蜓點水式咁囉！（有冇牀戲？）望就望下套有啦！」《蘋果日報》圖片
滾熱辣
降呢做小三 廖碧兒姣撬蘇永康
2012年10月05日廖碧兒 2010年尾一腳踏兩船，背住陳豪暗撻失匙金龜林忠豪，搞到俾陳豪狠飛兼形象大跌。近日有傳她翻撻陳豪不遂， 33歲的她對愛情愈來愈進取，近日削面變靚之餘，更不惜做小三。 6月她拍王維基歌舞劇《童話戀曲 201314》時，暗中撻 着大她 13年的蘇永康。
明知蘇永康有個拍拖七年、任職 Joyce高層的女友 Anita，但廖碧兒擺明車馬任追，兩人暗交兩個月後，戀情被正印 Anita踢爆，廖乘勢 着蘇永康向女友攤牌。蘇永康曾一度與女友鬧分手，更給予一筆可觀的現金給她做生意。不過正印依然未死心，默默等蘇永康回心轉意。互動片段
9月 25日，廖碧兒回應削腮骨翻箍陳豪時，斬釘截鐵指與陳豪冇聯絡，更甜絲絲主動表示有人追︰「我有人追 㗎！唔想每次都講歷史，我要向世界出發。」問到追她的是圈中人還是圈外人時，她大賣關子︰「都仲係朋友階段，但現階段好開心。」
10年 12月，林忠豪以 400萬的林寶堅尼接載廖碧兒而傳出緋聞，兩人更被拍得密會照，但最終拍拖不足一年便分手。《蘋果日報》圖片
10年，廖碧兒因偷食林忠豪而被陳豪狠飛，早前廖更說：「我同佢已經冇聯絡，佢（陳豪）已經唔喺我電話入面。」而陳茵媺被問到有關廖的新聞時，竟搞笑話：「叮！下一條！」
拍戲撻 着
原來今年 6月，廖碧兒與蘇永康拍歌舞劇《童話戀曲 201314》時，二人朝夕相對排舞試戲，加上女方又識放電，終於攻陷了正值七年之癢的蘇永康。據幕後人員透露︰「拍劇時阿公（蘇永康）對 Bernice（廖碧兒）已經呵護備至， Bernice之後接住要拍另一部大陸劇《高山青》，為咗就佢個期，阿公一個禮拜連趕 40組戲都冇計。拍戲 嗰陣佢兩個已經眉來眼去， Bernice鬼妹仔性格，講 嘢又嗲，阿公 冧到出晒面。」
拍劇期間，蘇永康不時向廖碧兒大獻殷勤，廖碧兒亦大讚他︰「佢好細心，不時 喺鏡頭後睇我演出，俾意見我。」拍完歌舞劇《童話戀曲 201314》後，廖返回內地工作，蘇永康除了密密短訊傳情外，他知道廖碧兒愛食朱古力，更不時速遞朱古力到女方的酒店或片場，令 Bernice甜到入心。7月阿公朱古力溝女
7月 2日，廖碧兒拍劇期間，收到阿公（蘇永康）送來嘅朱古力，開心到 post上微博。
8月碧兒送錯花牌
蘇永康在伊館開騷，花店竟將個花牌誤送去紅館。
9月晨早賀壽
9月 24日蘇永康 45歲生日，廖碧兒早上時已在微博急不及待送上心意祝福！
腮骨收窄
近日有傳廖碧兒為翻撻陳豪，不惜削面變靚。她強調自己有人追，又話已刪除陳豪電話，咁意氣風發原來係搭上蘇永康。
會所約會
雖然心知蘇永康有女友，但感情路上向來主動出擊的廖碧兒，亦唔介意做小三，盡量抽到時間返港與蘇永康約會。加上蘇永康正印女友經常要到外國睇時裝騷入貨，睇唔實男友，造就蘇永康有機可乘偷食。
為免戀情見光死，蘇永康亦好醒，每次與廖碧兒約會都十分小心，不但選在私人會所，更包房間見面，掩人耳目，相反廖碧兒就忍唔住 喺微博晒幸福。最終紙包不住火，兩人暗交兩個月，已被蘇永康正印 Anita發現，兩人更因此而頻頻吵大鑊。
知情者透露︰「 Anita同阿公一齊七年，女方都暗示過想結婚，但阿公就一直拖吓拖吓，最近佢發現男友暗溝廖碧兒，兩個嘈到拆天，又試過冷戰甚至嗌分手。阿公叫 Anita唔好逼佢，不過咁多年感情，阿公都覺得有負女友，所以私下過 咗筆錢俾 Anita，話打本俾佢做生意，數目都幾大，又話需要時間重新考慮大家關係咁喎。」
據知 Anita仍未打定輸數，皆因她有張皇牌在手，就是蘇媽媽。其實蘇永康一向孝順，而 Anita多年來的奶奶政策十分成功，蘇媽亦曾多次向兒子逼婚，開口要他早日了結老人家抱孫心願，近日 Anita亦搵未來奶奶為她箍煲，向蘇永康施壓，務求趕走小三。
除了蘇母， Anita多年來亦努力融入了 Big 4的圈子，與許志安、張 衞健及梁漢文等亦感情要好，所以，兄弟們知道老死偷食後，亦紛紛勸佢諗清楚。不過，蘇永康今次與廖碧兒係 嚟真，並非玩玩吓。
廖碧兒為免背負第三者罪名，自與蘇永康撻 着後，一直要男方盡快與前度分手，回復單身，更向外放風大把人追，務求令蘇永康就範。削面碧兒贏晒
45歲的蘇永康左右逢源，瞞住拍拖七年的女友馮翠珊（ Anita）與廖碧兒暗交四個月。觀乎兩女條件，華姐冠軍廖碧兒只是外形較佳，阿公今次擺明以貌取人。
蘇永康：佢係筍盤
就兩人暗交四個月，本刊周二（ 2日）向蘇永康求證。
記：之前拍劇同廖碧兒撻着？
蘇：點解會收到咁嘅消息？我同女朋友感情好好喎，同廖小姐冇 friend到，我連佢電話都冇。坦白講，都幾開心，終於有緋聞！不過廖碧兒呢啲係筍盤，我呢啲係爛地啫！
記：廖碧兒俾人話「刀削面」喎！
蘇：我唔睇新聞！
記：有人見到你 哋 喺私人會所撐枱腳？
蘇：我諗嗰位先生或者小姐有病！
記：你講到你哋唔熟咁，但你又送朱古力 冧佢？
蘇：哦，人哋送俾我但我減肥唔食，咪拎番去劇組一齊食之嘛。
記：同女朋友關係咁好，諗住結婚？
蘇：我哋都有呢個計劃，但唔會係呢大半年，女友會離開原本嘅公司，搞自家品牌。而我又要搞 Big 4。我同女朋友 7年都習慣唔係成日見，但當然我知女人係要揸張紙嘅。
至於身在外地的廖碧兒，則透過經理人否認與蘇永康撻 着：「 Bernice話拍劇嗰陣唔覺蘇先生有追佢喎！」
雖然蘇永康人氣同前度陳豪差一截，但蘇永康近年密密返大陸掘金，年賺逾千萬，又有 4千萬物業揸手，加上把口啷過油，難怪可攻陷廖小姐。不過兩人戀情曝光，傳媒紛紛致電蘇永康時，男方即「淆底」轉軚與廖碧兒劃清界線，睇嚟呢段情真係凍過水。
本刊周二（ 2日）向蘇永康求證戀情時，發現他腹部隆起，發福咗好多。
上周二（ 9月 25日），廖碧兒出席活動時，自爆多人追，一副唔憂嫁的姿態。
02年，蘇永康因服食及藏有搖頭丸被捕，要入獄勒戒 11日， 03年更與結婚近 4年的太太馮麗清離婚，令他對婚姻極有戒心。
10年，蘇永康為蘇母慶祝生日，除了好兄弟許志安及梁漢文，正印 Anita亦在場，位置靠近蘇媽，明顯得蘇媽歡心。
兩年吸金千萬
蘇永康搵錢能力強，單是近兩年已經吸金逾千萬。他今年又在《蘇永康弦愛交響夜》義演，將 60萬歌酬捐出，為內地山區興建學校，回饋社會。
2011年
唱片分紅 15萬
演唱會歌酬（ 8場） 215萬
登台歌酬（ 25場） 300萬
《宅男總動員之女神歸來》片酬 20萬
《東成西就 2011》片酬 8萬
《戀夏戀夏戀戀下》片酬 5萬
《 2012我愛 HK喜上加囍》片酬 10萬
《廉政行動 2011》劇酬 1萬
2012年
演唱會歌酬（ 2場） 140萬
登台歌酬（ 20場） 250萬
《幸運狗》片酬 20萬
《 DIVA華麗之後》片酬 15萬
《童話戀曲 201314》劇酬 20萬
合共： 1,019萬4千萬身家
蘇永康深明「買磚頭保值」的道理，單計手頭物業，他的身家已有 4千萬，絕對稱得上是娛圈的隱形富豪。
物業 市值
堅尼地城翰林軒兩個相連單位 約 1千 5百萬
大坑道光明台低座單位 約 700萬
薄扶林碧瑤灣中層單位 約 1千 8百萬
戰車 市值
Porsche Panamera S 約 150萬
合共： 4,150萬
没有评论:
发表评论