隔牆有耳：
翁靜晶揭秘 往事與戴耀廷有關
戴耀廷前日啟動佔領中環行動後，唔少支持者都擔心佢會成為阿爺抹黑目標；咁啱得咁蹺，有網友發現一宗疑似「黑材料」，事關由演藝人轉型為律師嘅翁靜晶，喺facebook講咗個同戴耀廷有關嘅不快往事。
翁靜晶話，戴耀廷當年係佢憲法老師，其他老師包括陳文敏同一名外籍教授。翁靜晶聲言憲法科令佢有個「失望經驗」，因為佢喺模擬考試時力數英國人「偽民主」後，考試結果得個C；正式考試時改變立場，狂讚英國而狠批中國，卻得到A，聲言至今為此慚愧。網民睇完群情洶湧，翁靜晶似乎唔想事件升溫，其後自稱件事冇乜大不了，至今仍尊重每個教過佢嘅老師喎。
没有评论:
发表评论