《Toilet Rush》、《香港小舖》、《Hotline Direct》……雖然香港沒有創出世界通行的勁Apps，但本土Apps也足見創意。Apps開發員：「只要能牽動港人情緒就能成功。不過好多Apps都需要用戶提供資料，但香港人唔願付出。」當大家每天大罵政府不是，你我又是否願意為港人的生活付出？如果一個App能為生活帶來方便，為甚麼大家不願意共創一個小奇蹟？
記者：陳芷慧
攝影：黃子偉、伍慶泉、潘志恆
Models：Paris & Taylor@Pure Models
香港不願投資
《WhatsApp》、《Instagram》、《Dropbox》、《Candy Crush》……沒有一個電視節目是全世界同時間受歡迎，但下載Apps是繼奧運之後能全球瘋行的聯誼活動。遠洋朋友平日或許不多聯絡，但突如其來會在WhatsApp留言一句：「你可唔可以畀命我。」然而，這些全球性的Apps都不是香港人所開發，提及香港成功的Apps，或許你會想起《Toilet Rush》、《香港小舖》、《85Taxi》……全部都係本土嘢！係咪香港人眼光唔夠遠大？香港五大App公司之一的Nuthon總裁Leo To最近剛從美國公幹回來，他解說：「文化差異不在本土意識上，而係投資者文化不同。美國一間App公司，一般都係二十至三十人，唔係多我哋好多，但係因為投資者願意投資，自然可以開發好多世界性的App。反觀香港很多App公司，好多都係自己一手一腳捱出嚟。開發一個App，投資兩個月時間已經係大型計劃了。」那如何做出能深受香港人歡迎的Apps？「一定要夠本土化，要牽動到香港人情緒就能成功，《香港小舖》就係其中一個成功的例子。」
■Nuthon Director Leo To喜歡創作實用apps，能與大眾產生共鳴。
港人唔付出
講真，雖然香港沒有出品像Instagram一樣的全球性App，但絕不代表香港人缺乏創意。《Toilet Rush衝廁》就是其中一個例子，至今下載次數超過三十萬，由二百個洗手間資料，經用戶提供至三千多個洗手間。「例如於朗豪坊戲院門外的女廁經常都大排長龍，但其實往下走一層就不用排隊了，我哋個App就會話埋畀你聽。好多公司都會開發遊戲，而我就鍾意關於香港人的生活，實用性的App先能引起大家的共鳴，好似《衝廁》咁可以由2008年到現在都不死身。」Leo說。另外現時有很多《香港快拍》、《Hotline Direct》這類搞笑又實用的Apps，令我發現原來生活上仍有很多可以改善的細節，不得不佩服開發員的細心和創意。Leo說：「就像我們2011年創出《Hotline Direct》，平時最憎打熱線電話，轉駁多次收聽無數廣告先有真人接聽，呢個App需要由用戶願意提供不同公司的熱線電話資料，然後我哋就會幫你自動cut晒轉駁。當然呢個需要用戶的幫忙才能成事。」《Hotline Direct》概念一流，但反應未算熱烈，原因是香港人不願意付出。「唉！好似Android Apps好多都免費，大家都唔願意付出金錢就想生活更方便。好似我哋曾經構思一個等候巴士的App。故事源於我住沙田，前女友住在太古，搭巴士車程二十分鐘，但等巴士就要半個鐘。我就諗，如果有巴士App話到畀我聽架巴士幾時到站咁就好。我主動聯絡巴士公司，佢哋唔願意合作，惟有從巴士乘客入手，希望由佢哋主動更新資料，咁就方便人又方便自己。可惜，反應冷淡，App都要落架。香港人唔鍾意付出，只係願意攞。」Leo慨嘆。相比台灣巴士App，人家便完善得多，每分每秒更新巴士的位置及情況。
踏入困境時代
IT界一天如一年。現在不少App公司都是從原先的電腦公司轉型過來。這幾年間發展迅速驚人。一年前facebook手機程式業務甚少，今天facebook每賺3元就有1元來自手機平台。今天，我們在街上要找餐廳，找交通、找電話、找銀行，幾秒間下載一個App即刻搞掂，毋須再為網絡阻塞而狂躁。即使記者乘車間打稿，一個電話Note App，兩根手指，站着也能完成稿件，即使一部細小如手掌的laptop不能辦到。因此，IT界預料10年至15年後個人電腦可能會消失。「不過，正因如此，App行業似乎走上頂峯時，卻是走入困境的開始。一，競爭越大；二，願意花錢投資Apps的公司已經七七八八；App售賣廣告效果不理想，公司唔願意投資。」Leo說。不過，IT界向來習慣這急速的世代，電腦科技本身就是革命的先驅。將來會怎樣？相信要問上帝了。
没有评论:
发表评论