1:19自溝爽膚水 土炮扮法國貨
■由香港代理商溝水後製成的山寨EPS品牌爽膚水。
【本報訊】一間代理多個頂級歐洲美容品牌的老字號代理商柏麗，遭員工踢爆在荃灣工廈自設「山寨廠」，將入口原材料「左溝右溝」，變成「進口法國貨」出售，其中一款濃縮爽膚水，更是以1比19方式混合蒸餾水而成，當中95%屬蒸餾水，涉嫌違反《商品說明條例》。《蘋果》發現，該公司代理的產品分銷到全港多間美容院，當中部份亦在卓悅有售。卓悅已將產品全線下架。
記者：陳偉雄 麥超億 金敏琍
捲入事件的柏麗代理有限公司，在港開業28年，除了在尖沙嘴設有旗艦店外，業務遍及深圳、廣州和北京。該公司代理多個法國、意大利及德國美容品牌，當中包括法國品牌ELÈNE（憶念美）及表明在瑞士及法國製造的副線EPS。較早前有員工爆料，指公司在荃灣工廈自設工場，從各國入口多種護膚品原材料後，在工場內「左溝右溝」，自製法國護膚品出售。
員工：冇人夠膽攞嚟用
「柯打（order）日日唔同，睇啲客要邊隻貨就做邊隻，雖然啲護膚品係我哋自己溝出嚟，但都冇人夠膽攞嚟用！」員工向《蘋果》提供多條工場內片段和相片，片段集中於6至8月，畫面中看到數千呎辦公室內，分成貨倉、工場和寫字樓，貨倉內放置多個原材料膠桶，分別有濃縮液爽膚水、精華素及箒喱等。工場聘有約8名兼職女工，主要工作是將原材料加工、入樽、印製條碼及雷射商標，以至包裝入盒；壁報板更貼有護膚品的製作「秘方」。
其中一個片段顯示，工場內的女工搬出多瓶18公升裝的蒸餾水，然後每瓶抽出750毫升蒸餾水，從另一個藍色膠桶舀出750毫升橙色濃縮爽膚水倒入蒸餾水瓶內。稍後，女工用抽水泵把原料和蒸餾水混合至起泡，再倒入印有「EPS」品牌的1公升樽內。
據員工所說，一瓶蒸餾水成本約68元，可以溝出18支EPS爽膚水，「好多都係賣去美容院，每支9成半係水，賣百幾蚊支。」記者發現該產品在淘寶網有售，一瓶200毫升的爽膚水，售價183元人民幣。
此外，工場衞生環境欠佳，女工們工作前毋須消毒雙手及容器，亦無任何衞生衣、口罩及手套，只規定要戴浴帽，防止頭髮掉落。
■香港代理商老闆娘葉嘉華否認假製法國品牌護膚品。
挖舊試用裝入新樽賣
另有工場員工稱，公司曾將數百支「ELÈNE」試用裝面霜擠出，更要求女工挖乾淨，倒去另一個重170克嘅樽內，重新包裝出售。「批試用裝擺咗一年幾，有啲已經乾晒、變色，我哋靠聞吓判斷有冇變壞。」
記者曾以買家身份到該公司位於尖沙嘴的辦公室，一名營業代表聲稱，ELÈNE產品已有多年歷史，其代理產品均由法國原裝入口，但近期改名為「EPS」。記者以各種方法聯絡ELÈNE的法國總公司，但發現所有電郵、電話和地址已停用。
上周一，記者找到該公司老闆娘葉嘉華，她承認代理ELÈNE品牌，並說ELÈNE已於去年四月停產。對於有員工踢爆其產品溝水，她強調產品「全部都係原裝入口」、「入貨就直接賣出去，絕對冇可能（溝水加工）」。記者遞上工場內的相片，相中蒸餾水樽貼上「新濃縮爽膚水」字眼，她看後雙眼瞪大，慌忙說：「事實唔係咁，只係面膜先至會溝水！」
山寨爽膚水製作曝光
工場簡陋
香港代理商柏麗於荃灣的工場內，工人正為美容產品「加工」。
讀者提供圖片
原料溝水
從桶內抽取橙色濃縮劑（左圖），倒入裝有大量水的大水樽混合。
運往銷售
工人將產品運往美容院（左圖） 及卓悅，而卓悅方面不包括爽膚水。
女士點睇
有取巧
Ivy（售貨員）：
「係有啲取巧，食品同搽面嘅嘢最好唔好咁做喇。」
好震驚
陳小姐（銀行業）：
「睇落係歐洲做，如果係（香港入樽）都好震驚。」
没有评论:
发表评论