幫港出雞汁 - 陳也
政總外又試人頭湧湧，黑衫軍大控訴，對面天橋只有小貓三兩隻幾把聲撐雞汁政府。幫港出聲，你還呆等什麼，趕快出聲反擊。
一聲：家下三揀二，有得揀，做兩次老闆，都唔收貨？人心不足，大貪得滯！
兩聲：市民認同，冇人投訴，證明雞汁撈飯受落，所以俾你撈多兩碗，仲想食埋人隻車咩？
三聲：佔領政總，擺明是受佔中洗腦，害人不淺。
四聲：一籃子因素被誤讀為一男子，居心叵測！其實所有人都聽錯，應該是一籃屎！不消提！
五聲：用吓腦都知，行會只能保密，不能解密，叫維基自己解密啦笨。
六聲：跟佔中一樣，俾個牌HKTV，香港一定亂！暴亂！西環實迫爆解放軍！
七聲：政改和免費電視發牌，都要聽阿爺話，香港人唔係烏干達校長，冇資格扮天真！唔like，移民瓦努阿圖咯！
发自我的 iPad
没有评论:
发表评论