7件見好就收 - 陳也
一，周融的見好就收，是經過兩輪全港擺設走鬼檔，收了自稱150萬個簽名，乘2，即是300萬，斷估好快可以收夠五千萬，跟梁振英睇齊，發動「保我做特首」。
二，藍絲帶的見好就收，是不斷收編大媽大叔，和尚道士，收水放水，抽水發水，從未試過咁好搵。
三，黎棟國的見好就收，是見到那條重播N次的催淚彈襲金鐘的片段，好感動到呢，實行收埋佢，費事立法會議員重溫時喊到收唔到聲。
四，李私煙大媽的見好就收，目標收窄，是學聯四個口才一流的靚仔大學生。收𡃁來做乜？噢，一定唔係用來煮小學雞，你懂的。
五，林鄭的見好就收，估佢唔到， 種種跡象顯示，她下令收口那個，是代表沉默大多數的劉江華。
六，西環張小明的見好就收，是見到太陽依然升起，一手樓沽清，美酒節旺丁又旺財，於是鬼鬼祟祟收好把縮骨遮，唔接柯打鬧城中闊佬。
七，CCTVB高層的見好就收，是見到暗角有好大條蟲，叫條蟲回家啦，收工啦！
HH
没有评论:
发表评论