蘋果日報- 睇吓鮮：央行放水計錯數 - C+B

http://hkm.appledaily.com/detail.php?guid=19347564&category_guid=15307&category=daily&issue=20151026

睇吓鮮：央行放水計錯數 - C+B

國務院總理李克強回應中國經濟破七，話國家經濟增長從來無死守一個點，破七不真是破了，反而得來不易。如果用四捨五入法，中國經濟按年升6.9%即係7%。阿爺口裏說不，身體卻很誠實。人行上周五加入央行量寬大合奏，宣佈「雙降」兼撤存款利率浮動上限。


其實內地消費需求明顯滯後，按消費率佔中國GDP比重計，表現差過新興經濟國家。2014年包括居民消費同政府消費嘅內地消費率佔GDP約38%，少過新興經濟國平均40%至50%。


而金融海嘯後中央政府四萬億元催谷基建後遺未散，投資率仍佔GDP約46%。美國推量寬七年亦逐漸發現，對刺激實體經濟增長係唔得。儲局前主席伯南克三年前喺Jackson Hole央行行長年會曾講過，「量寬有效壓低長債債息，改善融資環境，至於量寬措對實體經濟的準確成效是非常困難。」美國利率下跌後，越有錢嘅人未必係消費最多嘅一群。


有研究發現，美國樓價每升值一美元，低收入家庭每消費25美仙，就需要靠借貸；高收入家庭從未藉低息期借錢。銀行每下調借貸利息一個百分點，低信貸評分嘅卡主消費最多，但高信貸評級卡主按兵不動，信貸額增消費卻無增加。





C+B


本欄逢周一刊出

I