【旅遊籽】東京清酒立飲場 過百款清酒buffet任飲
日本嘅立食文化，相信大家並唔陌生，最早出現立食嘅地方係日本嘅車站麵店，為咗方便趕車嘅客人填肚，而同時又慳咗用餐區嘅空間，立食文化就喺日本萌芽。
清酒立飲，企喺 度淺嚐過百款日本清酒，不限時間。
時至今日，立食已經發展成一種頗普遍嘅廉價飲食文化，立食牛扒、燒肉、壽司、意粉等一街都係。最近東京出現咗清酒立飲場Kurand，只要擺低$238港紙，就可以任飲現場過百款來自日本各處嘅清酒，仲要唔限時間，肚餓嘅話可以自行攜帶食物入場邊食邊飲。留意返，呢度並唔鼓勵大家不醉無歸，重點在於體驗唔同口味嘅清酒，所以呢度並唔係劈場，如果你醉住走會畀店家blacklist，所以淺嚐好喇。呢個清酒立飲場暫時喺東京三個地方可以搵到，包括澀谷、池袋及淺草，係當地上班族收工後嘅聚腳點，所以成日爆場，想去的話最好預先訂座。營業時間係星期一至五由下午5至11點，周末下午12至4點及5至11點。
記者：盧懿靜
資料及圖片來源：ETtoday 東森旅遊雲
擺低入場費，拎住隻杯，就可以隨便開雪櫃斟清酒飲。
除咗雪櫃入面嘅酒款，亦會有每日限定嘅清酒，由店員為客人斟酒。
上一則: 【旅遊籽】暑假去歷險 曼谷恐龍冇膠味
I
没有评论:
发表评论