【男女之間】港姐暗撻小小超？！要過九關先算修成正果
今日有傳大台應屆港姐季軍郭嘉文（Karmen）同小小超蜜遊東京，一齊睇Ｍinions兼玩電動模型車。有人話男女交往去旅行最能夠睇到一個人真本性，只因日夕相對真係乜習慣都出晒嚟，不過計我話去旅行都係二人關係嘅小測試，學兩性關係作家Elizabeth Arthur話齋，要經歷過呢九關先算修成正果：
男女交往去旅行最能夠睇到一個人真本性，只但其實咁樣未夠，兩性關係作家Elizabeth Arthur就話要經歷過九關先算修成正果。
第一關：情迷熱戀（Infatuation Stage）
日日難以自控地掛住對方，想喺對方身邊。
第二關：互相了解（Understanding Stage）
關於伴侶的一切你都想了解同知道，小至無聊童年軼事，大至未來生活計劃，喺呢一個階段，對雙方來講都係極度吸引。
第三關：鬧交受傷（Stage of Disturbance）
受過傷先知道要堅強，每對情侶都總有鬧交同意見不合嘅時候，不過鬧交唔緊要，最重要係雙方了解更深同能夠和好。
第四關：搵主事者（Opinion Maker）
相處咗一段時間，雙方自然知道自己喺關係中所身處嘅位置，亦會知道邊一方更有"say"。同時亦會因對對方嘅期望而令自己情緒有大起伏，例如一方喺冇預期之下，收到禮物會特別開心。
第五關：倒模（Moulding Stage）
每個人心中都有「理想情人」，呢個階段中，好容易將伴侶「塑造」成你理想嘅情人形象，同時你自己亦會努力改變自己，當中有唔少掙扎同妥協。
第六關：如魚得水（Happy Stage）
如果過到「倒模」一關，二人改變對方又改變自己，相處會如魚得水，可以快活地相處下去。
第七關：自我懷疑（Stage of Doubts）
一齊咗一段時間，如果大家都係停留喺同一階段，生活方式同關係都冇進一步，好易就會諗「究竟對方係咪Mr./Miss. Right？」亦會將自己嘅戀情同他人比較，自己懷疑自己嘅選擇。
第八關：性感探索（Sexual Exploration）
性愛係感情關係重要一環，呢個階段或者你開始對伴侶身體感到厭倦，或者會積極尋找其他有趣嘅性愛方式，去重燃愛火。
第九關：絕對信任（Stage of Complete Trust）
經歷過改變、自我調整、懷疑同比較，雙方會得到對方嘅絕對信任，不過亦會太習慣對方存在同付出，事事變得理所當然，記得要適時畀啲小浪漫對方調劑下呀！
資料來源：Lovepanky網站
記者：黃樂雯
下一則: 全球炎黃反美風景 - 陶傑
I
没有评论:
发表评论