【最終設計曝光】iPhone 8勁似iPhone 4 或命名iPhone X？
Technology
雖然Tim Cook都開到聲話談論新iPhone的新聞實在太多，但剛剛有網站全球首度公開新iPhone 8最終設計的模型，就真係唔講唔得。關於iPhone 8機身設計傳聞一直都有好多，今次網站BGR就率先取得iPhone 8最終設計的模型，大家唔使再靠估！從所公開的幾幅相片中所見，傳聞中用上全屏幕設計、嵌入在屏幕底下的Touch ID以及機背垂直設計雙鏡頭，都統統都包括在最終設計之上，而且一如iPhone 7不再設有3.5mm耳機輸出端子。
iPhone 8機身最終設計終曝光。
比較值得留意的是iPhone 8將會在機面及機背各用上邊緣微曲的2.5D玻璃面，特別之處是以不銹鋼框架夾在上下層玻璃面之間，是自iPhone 4/4s後首次用上這種設計，同時不銹鋼框架亦因應上下玻璃機面的曲面而打磨得非常圓滑，網站指拎上手後完全唔覺是用上夾層設計。盛傳這部新旗艦iPhone將會在9月發表，但網站指除了坊間公認的iPhone 8名稱外，都有可能會命名為iPhone X或iPhone Edition。
資料來源：BGR
文：布偉倫
記者：司徒港燊
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
從iPhone 8 Mock Up中可見機面會採用全屏幕設計，亦不設實體Touch ID；機背左上角留有位置擺設以垂直設計雙鏡頭。
機側可見iPhone 8會用上不銹鋼框架夾在上下層玻璃面中間，另外亦一如iPhone 7不設3.5mm耳機輸出端子。
I
没有评论:
发表评论