中環在線： 柴犬幣瘋漲迎狗年 - 李華華
虛擬貨幣Dogecoin，近排市值規模無喇喇升到上20億美金。 互聯網圖片
虛擬貨幣有幾癲？睇下近期有隻叫Dogecoin嘅虛擬貨幣，市值規模無喇喇升到上20億美金，就知呢個市場係有幾咁虛擬（定虛幻呢？）
Dogecoin創辦人Jackson Palmer自爆，當初整Dogecoin只係開玩笑性質，「有晚收工坐低飲啤酒，有好多時間，走咗去買dogecoin.com」，之後有位軟件工程師朋友加入一齊玩，就整咗Dogecoin呢隻電子貨幣嘞。
Dogecoin呢個名，就以Doge呢款有個柴犬頭嘅網絡圖為藍本。2013年底面世以來冇乜人理，但根據CoinMarketCap佢市值忽然喺上個月爆升，聖誕節市值去到10億美元，周日再升到20億美元。雖然話狗年就到，都唔係咁瘋狂吖麻？！
...................
没有评论:
发表评论