免費運動 App iPhone實咪偷懶
2011年08月07日我又重咗喇，下定決心減肥吧！要減得健康，除搵專人教導外，其實 iPhone App Store仲有數百款有關健康同運動嘅 App，好多都免費任 Download，有啲仲有埋體感偵測，實姿勢啱唔啱，唔到你偷懶。
記者：許福合
攝影：林栢鈞
Model： Boo@Pure ModelsiPhone App 瘦身計劃
1.偵測姿勢節拍
放假嘅時候食得多，唔使擔心，只要有這個《 Fit for Rhythm》，就可以幫你挽回走樣嘅身材！打開 App，就會見水藍色加上可以選擇 4個 Q版健身教練，造型好有任天堂風格，每位教練負責唔同項目，分別有伸展運動、平衡感訓練、有氧運動、肌肉鍛煉等，分有不同難度等級，附有動畫教你玩，而且最特別係會利用 iPhone體感偵測，用來檢查動作是否正確，當 iPhone位置接近時，就會有聲音提示，仲會計住做咗幾多次，無得出貓！訓練項目一共有成 80種，免費版亦有 20種，玩完會計埋消耗多少卡路里。若果能堅持三個項目做足 7天，就能得到 5分獎償，儲到 100分就有機會打開完整版功能。
1.
■訓練時須手持 iPhone，可感應動作次數。
■每個項目都有不同難度及等級。
■完成後仲會話你知消耗多少卡路里。
■用《 Fit for Rhythm》鍛煉，身材當然 Fit！
2.真人播片操體能
覺得《 Fit for Rhythm iPhone》太兒戲似遊戲？不妨留意運動品牌 Nike推出嘅健身 App《 Nike Training Club》，主要針對瘦身及體能訓練，當中更搵來多個專業女健身教練作示範。 App本身就已經佔 488MB，以 iPhone App來講認真誇張，亦足見內容落足料！訓練項目會分為不同方向，如減重、追求曲線，體能等，當中亦分為不同強度及等級，可視乎個人要求設定訓練計劃。運動時仲可以打開音樂，配合音樂節奏，據講效果會更好㖭。
2.
■部份項目須配合器材練習。
■有專人健身教練示範，睇片學健身！
■訓練內容會分為不同嘅訓練方向、強度及等級。
3.體驗瑜伽 250式
想感受瑜伽又唔想花錢？可以試吓用這個《 YOGA Free： 250 Poses& Yoga Classes》，預設多達 250個瑜伽動作，分別會以暖身、基本、進階作分類。初學者建議選擇 Quick Recipes，會預先設定好合適嘅課程，熟習之後可再按需要增加動作。開始上堂時，會有真人示範，部份更會附有影片，亦有聲音指導動作要求，按右上角音樂鍵，可以加入音樂聽住做瑜伽。做運動最怕就係不能堅持，附有日曆功能，每完成一個課程，就會在日曆上以小花作記錄，有無偷懶一目了然。
3.
■收錄有 250個瑜伽動作，可讓新手體驗瑜伽滋味。
4.跑步有 fb朋友打氣
4.
好多人愛跑步，不用約朋友，隨時可出發，不過，想知道跑咗幾多，跑咗幾耐，咁就要用《 Nike+ GPS》！此 App毋須使用外置感應器，主要以 GPS測量，首次開啟時，記得在個人資料中輸入身高體重等資料，因為 App會根據 GPS，加上跑步速度及距離等資料，得出消耗卡路里。比較有趣嘅係，可以設定將開跑訊息分享到 facebook，若有朋友回應的話，跑步中途就會聽到加油聲，亦可設定路程提醒，可以知道跑咗幾遠！最後當然唔少得一邊跑一邊聽歌嘅功能，跑步絕對唔悶！
■每當 fb朋友回應，會即時化作打氣聲，好正！
■不用放感應器進跑鞋，以 GPS測量距離速度。
5.單車咪錶計距離
騎單車亦係相當受歡迎運動之一，健身減肥皆有效果。先在《 iMapMyRide》免費登記成會員，開啟新路程後，再按 Start，介面上會有顯示行駛路程距離，亦可見到平均及現時速度，感覺就好似揸緊車睇咪錶一樣！另外，仲可以隨時轉去地圖 Mode，從 Google Map地圖看到路程資料。此 App好用之處，係可以將記錄與 MapMyRide.com網站同步，將自己威水戰績分享到 twitter、 Blog或電郵，與朋友分享。
5.
■愛騎單車的話，出發前記得先將《 iMapMyRide》設定作記錄。
没有评论:
发表评论