�果日�- �香�：�和重�另一�意� - 海迪

http://hkm.appledaily.com/detail.php?guid=19000759&category_guid=15307&category=daily&issue=20150113

樂香園：長和重組另一層意義 - 海迪

長實（001）、和黃（013）世紀大重組，透過先合併、再分派，成功將以前架構複雜、業務重叠的長和系，變成兩間新公司──長和及長地。


財金界朋友說，長和系有意重組，過去十幾年來傳過N次，芬佬經常投訴長和系的股價未能反映其資產價值，這個問題遲早都要解決。所以事情的重點，唔係李嘉誠點解要玩重組。而係：誠哥點解要揀呢個時候做？


如果誠哥真的志在重組，的確唔使等到今時今日。但如果重組只係一個「機會」，真正目的是否另有所指？


以往市場揣測長和的重組方案，通常有兩個版本。一、長實、和黃互換資產；二、長實分派手持的和黃股份畀所有股東。如果用第一、二個方法，交易雖然會無現時咁clean，但需要股東通過的門檻，相對亦無咁高。事關涉及重大資產出售，只需獨立股東過半數贊成就得。但今次做法卻要私有化，需75%股東贊成、同時仲要有唔超過10%獨立股東反對，方可過關。所以，誠哥今次可謂「捨易取難」，情願delist咁大工程，都要用除牌的方式去馬。為的係乜？遷冊，應該係最可能的答案。


除了長和股價爆升外，投資界昨日亦非常關心另一宗新聞：澳門司警以涉嫌操控賣淫罪拘捕何鴻燊姪兒。


兩件事似風馬牛不相及，但朋友卻認為反映同一趨勢：阿爺近年正不遺餘力、瓦解在中、港、澳三地的既得利益集團。聰明人，係唔會等人趕先走。小心駛得萬年船，right？

I