駁「香港人其實太過份」 - 曾志豪
網上流傳一篇「香港人其實太過份」的文章，這應該是兩年前的舊文，不知為何，引起巨大爭議，現試駁一二。
1，「回歸15年，誰在香港最冇言論自由？係中央，佢打個乞嚏都比港人鬥（鬧）爆叫佢收皮。有人話，中聯辦就快連行出街都比人告遊蕩罪。」
答：中央以前隔住塊「一國兩制港人治港」嘅紙巾打乞嚏，但家陣呢塊紙巾已經唔存在，中央兜口兜面顏射你香港人，話要全面管治你，話法官都要愛國愛黨！
呢個已經唔係乞嚏，係吐痰啊！你鍾意食痰係你嘅事，但我地有衛生觀念嘅香港人，當然係要叫佢收皮啦！
中聯辦行出街無問題，但唔着衫赤身露體仲要走入你屋企指點你老婆仔女點樣投票點樣選舉喎。你為人大方請君賞菊花係貴客癖好，香港人梗係報警告佢遊蕩罪啦變態佬！
2，「點解咁抗拒梁振英做特首呢？唔係口口聲聲成日話政府弱勢對住班有錢佬冇符咩？依家終於有個唔賣有錢佬賬嘅強人出現，你地又唔要……究竟想點？」
答：事隔2年，我諗你自己都好清楚，點解大家咁抗拒啦。
你話佢唔賣有錢佬賬？咁請你叫佢收番粉嶺高爾夫球場幅地嚟起公屋，同埋問吓佢，東北發展有幾多地產商係賺到笑？
3，「幾年前東江乾涸，廣東省人勒緊褲頭捱制水，中央都唔肯減少一滴供水比香港；你地諗住抗議班人當年有幾多個自動節約用水同國家共渡時艱？」
答：是咁的，唔單止係乾旱嘅時候，就算香港水塘滿瀉到要倒水入海咁折墮，東江水都係唔肯減少一滴俾香港。唔係香港人唔慳水，係大陸為咗政治需要，唔肯減少供水。
再者，飲你嘅水就唔可以抗議，即係你老板出糧俾你就可以要你扮狗叫你都唔准反抗，你係咪咁賤格啊？
没有评论:
发表评论