■彭冲喺吳芷柔接受訪問期間拉走佢，滿足權貴「集郵」慾望。 互聯網
香港運動員每次喺大型運動會攞牌，港協高層都會好似便利店咁，總有一個喺左近。噚日南京青奧第6日賽事，羽毛球小將吳芷柔夥拍大馬球手占俊偉勇奪混雙金牌，大家都好開心，但喺現場嘅無綫體育主播伍家謙就嬲到爆！
事緣呢對羽毛球小將賽後受訪問，喺鏡頭前講得興起之際，港協義務秘書長彭冲突然現身拉走吳芷柔，留低拍檔占俊偉茫然儍笑。彭冲點解要拉走吳芷柔？原來要去同團長、霍家富三代啟剛等人合照，滿足咗權貴「集郵」慾望，先畀芷柔繼續受訪問。
做直播期間竟然發生「搶人」鬧劇，伍家謙發晒火，喺fb爆料兼post片，指彭冲逕自拉走芷柔去影相，打斷訪問，不過佢好克制，表示「我不評論，純粹事實陳述」。香港體壇醜態罄竹難書，早有公論，何須多評？
没有评论:
发表评论