隔牆有耳： 金庸館開放 書迷朝聖打卡 - 李八方
入到展館隨時置身大俠刀下，啱晒金迷自拍打卡。
籌備咗3年嘅香港文化博物館金庸館噚日終於開放，晨早就有唔少書迷去朝聖。館內有300幾件珍藏品，唔少得1968年《笑傲江湖》手稿、金庸借出嘅《射鵰英雄傳》屏風等珍品。不過講到最受歡迎似乎都係新科技展品，例如有個大螢幕播動畫角色舞劍片段，又有互動地圖等大家搵番小說故事情節，仲有作品嘅電視劇片段重溫，等大家感受歷代楊過、小龍女等角色由唔同人演有咩分別。
讀中一嘅甘同學最鍾意玩互動地圖，佢年紀輕輕已經睇過《射鵰》、《笑傲江湖》同《天龍八部》，若有機會想再睇多次個展覽。資深書迷葉生就覺得展覽冇得睇金庸創作心路歷程，唔係好夠喉。
就算唔識金庸都可以睇展覽認識吓佢嘅文學經典，博物館外支柱仲貼咗好多小說嘅經典角色，自拍打卡萬勿錯過。
I
没有评论:
发表评论