【泰山踢館】3份半條春卷其餘去咗邊？ 「入口有腥氣唔好浪費海膽」
每月都會試新餐廳的泰山，今次就和我們去金鐘一間新的點心店踢館。踢館當日我們下午茶時段到，客人不算多。甫進餐廳，眼睛看到的是擺滿了琳瑯滿目的酒瓶的酒吧，耳朵聽着的是《天涯歌女》，如沒有看清楚菜牌，一定要知道這餐廳賣點心。「好型喎！」泰山一坐下就對桌上的黑色碗碟愛不惜手，對餐廳的第一印象不錯。
餐廳裝修時髦，門口有酒吧，最吸引外國客。
平日飲茶，他必叫蝦餃，但今次連提也沒提，因為餐廳只有黑松露蝦餃，而他覺得黑松露醬的味道太濃，會把蝦仁的鮮味都蓋過，喧賓奪主，所以他改點黑蒜燒賣。其餘點心，他選了餐廳推介的擔擔湯包、黑椒和牛酥、海膽蟹肉春卷、香芒流心脆杏卷。點心水準尚可，他最喜歡的是黑蒜燒賣、黑椒和牛酥和香芒流心脆杏卷。燒賣內的黑蒜味道香甜，能提升蝦的鮮美，而且皮夠薄。和牛酥的酥皮層次分別，鬆化得筷子只要尚用力夾都會散開，黑椒味道頗重，有助減輕油膩感。作為甜品的香芒流心脆杏卷，餡料流心、味道不太甜。最難食的是海膽蟹肉春卷，上桌的賣相像三支香，海膽與沙律醬調成的春卷餡味道完全不夾，「唔好浪費啲海膽呀唔該。」他說。三個人，最後埋單要$392，「餐廳的裝修係有型嘅，碗碟都係有型嘅，食完出來都令人覺得係有型嘅，係荷包唔型。」他抖了一大啖氣說。
黑椒和牛酥，酥皮非常鬆化，肉餡黑椒味頗濃，$88。
黑蒜燒賣，一籠四粒，黃色皮與綠色皮味道無分別，豬肉配香甜的豬肉和蝦仁很夾，$48。
擔擔湯包，餐廳推介之一，花生醬味道偏淡，反而麻辣味頗重， $48。
這裏點心的價錢與米芝蓮一星的嘉麟樓相差不遠，他覺得嘉麟樓當然比這家厲害得多，但它是一個很傳統的華麗酒樓，而去食Dim sum library，吃的是它的型格、氣氛和crowd，即客人種類。這裏的客人有太太、有外國客人，讓人有置身外國的感覺，他覺得不好比較。「總之都係有多餘錢先好嚟啦，鍾意一盅兩件就唔啱嚟架喇。」
Dim sum library
金鐘太古廣場1樓124號舖
記者：吳宛蔚
攝影：鄧鴻欣
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
海膽蟹肉春卷，最伏。味道太腥，海膽配沙律醬內餡是敗筆，$88
香芒流心脆杏卷，芒果餡香甜流心， $48
Z88
没有评论:
发表评论