2017年7月14日星期五

劉曉波佔領回歸20年的回憶 - 陳也 | 2017-07-14 | | 蘋果日報

劉曉波佔領回歸20年的回憶 - 陳也 | 2017-07-14 | | 蘋果日報

劉曉波佔領回歸20年的回憶 - 陳也

午飯時段茶樓逼爆,鄰枱幾個大媽像遼寧號駛過維港般大聲交談宣示主權,一聽竟然是肆無忌憚講劉曉波。
大媽忽然政治,不是做媒,環時跌眼鏡啊。大媽夠薑,一啖腸粉一啖大時局,不是說香港人被殖民主義洗晒腦嗎,幾個大媽的腦海卻是標準國旗紅,猛撐中國,翻叮林鄭口吻:「中央一定會以合情合法方式處理。」點樣「兩合」?呷住鐵觀音的大媽說:「依法辦事,生於斯死於斯,劉曉波係中國人吖嘛,外國哪有說三道四的資格!」滿口強國邏輯的大媽一錘定音:「中國強大了,唔同二三十年前,使乜睇人面色。」但把劉曉波扣在病床上,藥石無靈,等他嚥氣,這樣好麼?大媽說:「這樣做大收威懾效果!習帝治下,凡反對黨的,都不得好死!」有醫生指劉曉波捱不過這個月,撞正回歸二十周年,劉曉波注定要做香港人71 × 20的七月回憶。「係又點啫!中國要槍有槍要錢有錢,無有怕,香港人唔生性,遲早被截財路,貶做仙股,喊都無謂。」咁,香港人有未來嗎?「學吓老董,臨老仲過得世。唐唐勁乖,個個富二代富三代聽聽話話,仔女送晒出國讀書,邊個係劉曉波都唔知,趁住個勢,全力抓錢好過啦。」大媽口氣咁熟嘅,睇真些,原來係前度梁粉和現任奶粉!我剛落肚的灌湯餃嘔返出來!



Z88

没有评论:

发表评论