電子狗再度進化，這次玩變臉！Bandai最新Smart Pet，吃喝玩樂、唱歌跳舞樣樣皆能。插上iPhone後，就有多達百種表情同動作，生動有趣，而且內置多個「面孔」替換，仲會扭計生病要食藥。電子狗唔使你執便便，但要識佢錫佢呢！ 記者：許福合 攝影：潘志恆 Model：Katie@PureModels 查詢：JC Shop（3102 2783）
跟音樂節奏周圍走未有iPhone，其實市面上已出現過iDog之類嘅小玩意，當然分唇極有限。而最新嘅Smart Pet，不單有黑、白色小狗畀你揀，襯番自己部iPhone之餘，仲識得憑聲音、觸摸而跟你互動，好似聞聲前後移動、左右轉等，雖然同真狗難以比擬，不過勝在郁動有節奏感，更可揀鍾意嘅音樂，即使唔「唱歌」，有時小狗唔高興，除了扁嘴外，還會亂跑發洩。不想佢亂動，可將Smart Pet變成座枱式，這個狀態只會擺動頭部，配合表情，相當可愛。
將女友個樣擺落狗狗度，畀啲愛心呵護佢。
先把iPhone裝上機殼，再組裝入Smart Pet頭部。
不過要佢動起來，先要替iPhone裝上《Smartpet》App，雖然免費，但暫只得日本App Store提供下載，想玩就要開多個日本Account。內附iPhone殼，將手機套上頭部，再插上頂部音源線，Smart Pet就可以隨住聲音做動作。
齋噏都可發出命令，不過小狗只識聽日文，卡娃兒呢！
揮揮手小狗會前後移動，反應好快。
主要動作方式為前後移動，亦可左右轉。
可將USB線加上裝飾用嘅骨頭。
餓了吧？先吃骨頭。
目錄內可以搵到骨頭畀小狗吃，作為不合格的主人，筆者曾讓小狗病到五顏六色，最後在道具欄內找到針筒，幫小狗打支針才醫好！要留意，剛開始玩時大部份食物或道具都會在問號狀態，隨住跟小狗互動會陸續解鎖。有時出外，沒法帶上Smart Pet，亦可抽出iPhone照顧它。
打開雷達，有時會收到禮物。
病到五顏六色，快啲幫佢打番支針啦。
初玩有四個樣揀，要玩多啲努力解鎖。
SONY第一代AIBO狗在1999年推出，集合人工智能科技，當年售價超過一萬元。後期出到第五代ERS-7，支援180種語音指令，更可與主人簡單對話。
SEGA推出的寵物狗iDog，非常小巧可愛。懂得搖耳及利用頭上七個LED，以不同顏色表達心情。亦懂因應玩家動作產生反應，輕碰頭部便高興，打尾巴就會生氣。
iDog
没有评论:
发表评论