FF相機的感光元件面積幾乎同傳統 135菲林一樣大，影出來的影像無論剪裁同透視感都好接近菲林機。
CLOSE-UP
普及 Full Frame
2012年10月18日睇完上個月德國舉行的 Photokina相機展，毋須再多講，未來將會是 FF（全片幅， Full Frame）單反數碼相機的天下。
雖則 FF並非新鮮事，但今趟 Canon、 Nikon同 Sony都各自推出售價平民化的機款，令 FF變得伸手可及，我同你都玩得起。解構全片幅
（ Sony A99• 28mm、 F2.8、 1/1000s、 ISO 100）
FF相機的感光元件面積為 36× 24mm， size比起其他 APS-C感光元件的相機（ Sony 23.5× 15.6mm/ Nikon 23.2× 15.4mm/ Canon 22.3× 14.9mm）更大更接近傳統 135mm菲林，所以不少龍友都話 FF拍攝出來的影像，在剪裁同透視感上，最似傳統菲林機。
影像剪裁
由於 APS-C比 FF的感光元件細，成像範圍有好大分別，如果在同一位置用同一焦距鏡頭取景， APS-C只會影到 FF的中央部分，如果想影到同一範圍，就要企後一段距離。
最大影響反映在鏡頭實際焦距上，一支 35mm定焦鏡，裝在 FF上就有 35mm焦距，但裝上 APS-C，就要乘番換算率（ Nikon及 Sony 1.5倍、 Canon 1.6倍），例如 35mm定焦鏡配 Sony A65，拍攝焦距就會變成 35× 1.5= 52.5mm，取景範圍變得狹窄，想用 APS-C拍出 35mm焦距效果，就要裝支 24mm鏡頭先得。透視感
不過，就算換鏡頭影番同等焦距，由於拍攝位置有異，影像的透視感亦會有好大分別。
Sony A99
FF
拍攝距離同主體相當接近，拍攝角度亦相對更闊，令背景可以睇埋後方兩個銅像，望落背景的透視感更深更遠，空間感更大。
（ 75mm、 F9、 1/8s、 ISO 400）
Sony A65
APS-C
同樣的鏡頭，需要移後 2米先可以拍攝出同 FF構圖相近的影像，不過由於取景角度收窄，背景睇少好多，望落壓迫感較強烈。
（ 112.5mm、 F9、 1/8s、 ISO 400）
一掂上癮
由於 FF相機的感光元件面積大，吸光量較 APS-C多，影像的暗位還原能力因此更好，喜拍夜景的 Dolphin特別受落。
希臘神話中潘朵拉因好奇而打開宙斯贈送的寶盒，從此世界多災多難； Dolphin四年前多手拎起家人的陳年菲林相機 Nikon FM2（ 1982年開始生產）試玩，雖然無為世界帶來不幸，但就令他染上「毒癮」，「以前影相冇要求，用 DC機仔已覺得好夠，點知菲林相效果咁好，隨便影都好有層次感，再冇辦法用番 DC機仔。」
Dolphin Yip
29歲 漁護署農業助理
使用相機： Nikon D600
攝影經驗： 4年控噪出色
影菲林太燒錢，又返轉頭玩數碼機，不過 Dolphin就直接買中階 DSLR── Nikon D7000，「諗住慳番菲林同沖曬錢，所以就俾多少少買部質素高 嘅機，雖然影出來 啲相幾靚，但同菲林機始終有距離。」當時以為數碼機難以影出菲林效果，但漁護署兩年前為了拍攝植物小冊子而入了 Nikon的 FF旗艦機 D3S，再度為他帶來「不幸」。
「試完發現影像質素好高，影像層次感好豐富，最緊要係雜訊控制比 D7000出色好多， 喺光源唔夠 嘅樹林入面影植物同昆蟲， ISO校到 1600至 3200都幾乎冇乜雜訊，終於體驗到原來數碼機都有咁 嘅威力。」個人作品
以室內光線影貓， ISO推上
1250，毛髮仍睇得清楚。
（ F4、 1/50s、 ISO 1250）
（ F5、 1/320s、 ISO 100）
（ F8、 1/1600s、 ISO 100）
一闊三大
為玩 FF做足準備， Dolphin上年買鏡已開始「投資」 FF專用鏡頭。
FF相機定價特貴，原因在於感光元件生產成本高，有心轉玩仲要留意其他使費，例如 FF鏡頭會比一般 APS-C鏡頭更貴（因為鏡片更大）；如果買入拍攝有效像素達 3630萬的 Nikon D800，屋企部電腦亦都要跟住 upgrade，執相時先不會等餐死，認真一闊三大。
平價入手
Dolphin話 FF可以用盡舊手動鏡頭的成像範圍，影出來的感覺較似菲林機。
試完新機之後好似被蟻咬，成日心思思想買 FF機，但 D3S淨機身都賣近四萬，點玩得起？「其實當時 Sony有部萬五蚊超平價 FF相機 A850，但一直都玩 Nikon相機，無理由換過晒所有鏡頭『轉會』，計落唔化算，所以都係等 Nikon出平價 FF機。」身痕了兩年，終於等到 Nikon今年九月出了部「窮人恩物」 D600，抑壓了兩年的購買慾即刻爆發，「入門機都賣近兩萬蚊，但我諗都冇諗就買，入手三個禮拜，已影 咗近千張相。」啟動「瘋影 mode」的 Dolphin話最鍾意影日落同夜景，「新機控制雜訊出色，以前用 D7000影夜景，校高少少 ISO就好多雜訊，而家校到 ISO 3200都仲好順滑。」
Sony A99
FF
將 ISO推上 12800， FF相機表現出色，靚樣依然順滑。
（ F2.8、 1/100s、 ISO 12800）
Sony A65
APS-C
APS-C機用同樣設定影，雜訊問題嚴重，塊面多了好多雜訊，搞到皮膚好似好差。
（ F2.8、 1/125s、 ISO 12800）
FF新作
Nikon D600
近月 Nikon同 Sony都推出平價 FF相機，價錢大約兩萬蚊左右。
以 FF單反來講，機能不算出眾，連拍最多每秒 5.5張、對焦速度一般，勝在只賣$18,800，入門揀得過。
售價：$18,880（淨機身）
網址： http://www.nikon.com.hk
Sony A99
機能比 D600強，內置雙對焦感應器（ 19＋ 102對焦點），對焦速度超快。 Downside是價錢貴幾千，鏡頭選擇亦比 Nikon或 Canon少。
售價：$22,990（淨機身）
網址： http://www.sonystyle.com.hk未來報告
Canon 6D
除了 Nikon D600及 Sony A99，今年年尾 Canon還有部更平的入門級 6D以及大幅瘦身的 Sony RX1。
預計是 Canon首部兩萬樓下的平價 FF相機，機能方面，撇除感光元件一項，其餘幾乎全部差過入門單反 650D（ 6D只有 1點的十字對焦系統，連拍速度一秒 4.5張； 650D有 9點十字對焦系統，連拍速度一秒 5張），不過就附加 Wi-Fi、 GPS功能，都算有賣點。
售價：約$16,500
Sony RX1
最細 FF相機，配 Carl Zeiss 35mm F2.0定焦梗鏡，單玩 snap shot都夠用。不過開價兩萬四，獅子開大口。
售價：$23,990缺陷美
Cherry特別鍾情拍黑角相，話好有懷舊 feel。（ F1.4、 1/800s、 ISO 50）
每個人追求的美，可以有好大差別，不少攝影發燒友鍾情 FF，無非貪求更高的影像質素，不過 Cherry看上的，卻是它的「缺陷美」，「 FF嘅感光元件面積大，可以用盡鏡頭 嘅成像範圍，即係 50mm焦距鏡頭可以用番 50mm，唔似得換鏡細機要乘番 crop factor，取景範圍完全唔同。」
不過，若裝上大光圈鏡頭，由於鏡片邊緣的失光率較高，當開盡光圈時，邊緣影像會明顯偏暗，再加上 FF感光元件面積大，成像時就會出現黑角缺陷。「我反而覺得好似 Lomo嘅黑角效果，好有 feel。」
話就話有 feel，其實亦離不開 Facebook作怪，「用手機都可以加 Lomo filter，不過以前放上 Facebook都冇乜人 Like，一轉用 5D影，唔使加工反而人人讚好，仲猛問我點先可以影到咁有立體感。」所以而家有理無理， Cherry話幾重都會袋埋部 5D出街，「部機出 咗七年，係就係舊 啲，但最新 嘅 5D Mark III賣兩萬八，實在買唔起，而家等緊 6D，聽講美國賣緊萬六，等年尾出雙糧……」Cherry Chan
28歲 生活副刊記者
使用相機： Canon 5D
攝影經驗： 10年
雖然只得一支 50mm定焦鏡， Cherry話已經足夠一般 snap shot。
之前去日本專登搵俗稱「月光機」的 F1.9大光圈菲林相機（ FujiFilm Natura Classica），最終用三千蚊買入，配上專用 Natura 1600高感光度菲林，影出來有另類 Lomo感。
大頭特效
除了黑角效果，如果 FF相機裝上廣角鏡，近攝時亦可以拍出大頭狗效果， APS-C相機就做不到。
Nikon D600
FF
（ 17mm、 F3.2、 1/200s、 ISO 100）
Nikon D3200
APS-C
只要在 Facebook以「 NEXT 3.0」為關鍵詞搜尋，或以手機的「 QR code」 app掃描，就可以睇到更多新聞同產品情報。
没有评论:
发表评论