iPad Air 2殺抵先達！？ 放機即蝕$180
iPad Air 2有機了！不過感覺同冇機完全一樣！前晚收風iPad Air 2殺到落旺角先達，不過行勻成個場都搵唔到實機影張相，感覺非常古怪，於事問流動帝國阿靚仔店長囉！「其實你要機好簡單，基本肯畀錢嘅都可以即刻Call到貨返嚟，喺街度啲機多到不得了，不過我哋暫時唔會擺實機喺舖！」
何解？大家先聽吓個收機同賣機價先啦！嚟先達放機的話，係官方機價再減$180，即係你如果諗住炒貨的話，一機到手就即損手喇！至於先達嘅賣機價，就係官價加$200，當喺賺些少水腳錢咁啦：「其實今次個情況都有啲神秘，以往蘋果每出新產品，都會間隔好一段長時間，等市場消化咗一件之後，再出第二件再炒過；今次iPhone 6、iPhone 6 Plus推出冇耐，又話嚟iPad Air 2，老老實實，iPad系列除咗某幾代特別炒過之外，都真係一向唔太炒得起，再跟據iPad嘅銷售情況有下跌趨勢．所以就令炒家卻步，就以周四首日實機到場為例，我企咗成日，都未遇到有客嚟問機或放機，我覺得銷情可以用冷淡嚟形容；再退一步嚟講，如果係炒機客，都搵iPhone 6同iPhone 6 Plus嚟炒穩陣啲啦，起碼承接方面冇咁多不明朗因素，真係隱陣好多囉！」
流動帝國
旺角先達廣場地下G67A號舖
HH
没有评论:
发表评论