【短片】【佔領旺角】綠色和諧光頭周「漢奸膠論」：佔中係佔領中國
前日綠色和諧主腦在茶記密謀拆路障的奸計曝光後，密會內容再爆騎呢「漢奸膠論」。據讀者再提供的片段，揚言要打人博拉的光頭周，竟將香港人自強不息、拼搏的「香港精神」，重新演繹為「香港精神，中國唔係東亞病夫！」
光頭周在落指令過程中，向行動組強調，要對帶口罩的反佔中人士說明，「一齊係打漢奸，你話『你係漢奸』，我即時打x你，咪同佢（集會人士）講咁多。」他續說：「話啲學生係漢奸得喇，你唔使理佢暴唔暴徒，冇暴徒㗎喇。」
他更解釋「漢奸膠論」，「佢而家佔領中國、佔領中環，佢哋幫晒啲外國勢力、外國人做嘢，...因為個『中』字唔止係中環，係中國，你擺明係佔領中國，佔領咗中國嘅人，都係漢奸。」即使有警察介入，光頭周仍滿有信心教路：「我好有信心咁對差人講，唔行開嘅話就係漢奸...聽日我寫住晒喇，專打漢奸。」一番膠論，令人笑爆嘴。
【現場直播】
雨傘革命: http://umbrella.appledaily.com
YouTube: http://bit.ly/umbrellalive
HH
没有评论:
发表评论