2017年7月1日星期六

【平得過份】150吋米家雷射投影電視　開價9,999人仔 | 2017-07-01 | | 蘋果日報

http://hkm.appledaily.com/detail.php?guid=20074524&category_guid=vice&sup_id=12187373&category=daily&issue=20170701

【平得過份】150吋米家雷射投影電視　開價9,999人仔

Technology

以往較少人用投影機睇電視，主要原因是投影燈泡壽命短，換燈泡又貴又煩。到近期開始有雷射投影機冒起，不過如用上超短投設計的雷射投影機售價分分鐘要幾萬元，玩落又唔化算，不過小米旗下米家剛剛發佈一部最高可投影到150吋畫面的「米家雷射投影電視」，在用上超短投技術下，開價竟然只係9,999人民幣（約$11,510），雖然已經係米家歷來最高價產品，但相比同類型產品已經平一大截。

米家雷射投影電視價錢比同級產品平一半有多，7月4日在米家App開始眾籌。

當然大家可能會質疑，「米家雷射投影電視」賣得咁平規格同質素又得唔得先？首先產品在光源技術及成像技術方面，分別同國內龍頭光峰光電以及德州儀器兩間廠商合作，質素方面有一定保證，如應用德州儀器的新ALPD 3.0雷射光源技術，能營造出5,000流明亮度、3,000:1對比度以及顯示出85% NTSC色域，而雷射光源壽命達到25,000小時，以每日睇2小時電視計算，足可睇到34年。另外在採用超短投技術下，只需15至50cm距離即可投放出80至150吋畫面，只需用有限空間就能享受到大畫面的震撼，擺位靈活程度媲美平面電視。雷射投影電視會用上跟之前小米電視相同的MIUI TV系統（Android系統），投影機都設有各一對高音及低音單元，另亦接擴音機或家庭影院。「米家雷射投影電視」睇落真係幾吸引，不過最大問題係產品好有機會同之前小米電視一樣只限內銷，其他地方買唔到，幾平都無用。